NDA meets in Tinsukia : তিনিচুকীয়াত লোকসভা নিৰ্বাচনৰ ৰণকৌশল বৈঠক এনডিএৰ ! উপস্থিত মুখ্যমন্ত্ৰী হিমন্ত বিশ্ব শৰ্মা - BJP lead NDA alliance

তিনিচুকীয়া, ২ ছেপ্টেম্বৰ :আগন্তুক লোকসভা নিৰ্বাচনক লৈ তৎপৰ হৈ পৰিছে শাসকীয় দল বিজেপি মিত্ৰজোঁট ৷ তাৰে অংশ হিচাপে শনিবাৰে তিনিচুকীয়াৰ কনভেনচন চেণ্টাৰত এনডিএৰ অংশীদাৰ দলসমূহৰ অসমৰ বিধায়কসকলৰ এক গুৰুত্বপূৰ্ণ বৈঠক অনুষ্ঠিত হয় ৷ বৈঠকত ৰাজ্যৰ মুখ্যমন্ত্ৰী ডঃ হিমন্ত বিশ্ব শৰ্মা উপস্থিত থাকে ।

লগতে উপস্থিত থাকে বিজেপি, অগপ, ইউপিপিএলকে ধৰি এনডিএ মিত্ৰজোঁটৰ অসমৰ বিধায়কসকলৰ লগতে স্বায়ত্তশাসিত পৰিষদৰ মুখ্য কাৰ্যবাহী বিষয়াসকল ৷ বৈঠকত আগন্তুক নিৰ্বাচনৰ ৰণকৌশল প্ৰস্তুত কৰাৰ লগতে নতুনকৈ গঠন হোৱা উপ-জিলা আৰু সমষ্টি সন্দৰ্ভতো আলোচনাই স্থান পোৱাৰ সম্ভাৱনা আছে ৷

দিনজোৰাকৈ অনুষ্ঠিত হ'বলগা তিনিচুকীয়াৰ এই সভাখন আগন্তুক লোকসভা নিৰ্বাচনত অসমৰ বাবে এনডিএৰ অতি গুৰুত্বপূৰ্ণ হিচাপে বিবেচিত হ’ব বুলি অনুমান কৰা হৈছে  ৷

লগতে পঢ়ক :Money laundering : কোটি টকা সৰকোৱাৰ অভিযোগত তিনিচুকীয়াত আটক এজন