বাংলাদেশলৈ কিয় গৈছিল সাংসদ প্ৰদ্যুৎ বৰদলৈ ?

নগাঁও, 25 নৱেম্বৰ :  কেইদিনমান পূৰ্বে নগাঁও ৰাজীৱ ভৱনত অনুষ্ঠিত কংগ্ৰেছৰ এক কৰ্মীসভাত স্থানীয় সাংসদ প্ৰদ্যুৎ বৰদলৈ উপস্থিত নথকাক লৈ আৰম্ভ হৈছিল ব্যাপক চৰ্চা । কিন্তু বিষয়টো অৱশেষত স্পষ্ট কৰিলে সাংসদ প্ৰদ্যুৎ বৰদলৈয়ে । নগাঁও ৰাজীৱ ভৱনত অনুষ্ঠিত হৈ যোৱা কৰ্মীসভাৰ সময়ত বাংদেশলৈ গৈছিল সাংসদ প্ৰদ্যুৎ বৰদলৈ ।

সংবাদ মাধ্যমৰ সন্মুখত শনিবাৰে বাংলাদেশলৈ যোৱাৰ কাৰণো উল্লেখ কৰে সাংসদ প্ৰদ্যুৎ বৰদলৈয়ে । ভাৰত বাংলাদেশ দ্বিপাক্ষিক আলোচনাৰ অংশ হিচাবে এটা সংসদীয় দলক নেতৃত্ব দি বাংলাদেশৰ ঢাকালৈ গৈছিল প্ৰদ্যুৎ বৰদলৈ । বাংলাদেশৰ জাতীয় সংসদৰ অধ্যক্ষা ড৹ চিৰিন স্বামীম চৌধুৰীৰ আমন্ত্ৰণ মৰ্মে সংসদীয় দলক নেতৃত্ব দি ঢাকালৈ যোৱা বুলি উল্লেখ কৰে সাংসদ প্ৰদ্যুৎ বৰদলৈয়ে ।

এটা সংসদীয় দলক নেতৃত্ব দি দুয়োখন দেশৰ দ্বিপাক্ষিক আলোচনাত অংশগ্ৰহণ কৰাৰ সুযোগ লাভ কৰি প্ৰদ্যুৎ বৰদলৈয়ে নিজকে গৌৰৱাম্বিত অনুভৱ কৰা বুলিও উল্লেখ কৰে ৷

লগতে পঢ়ক :নগাঁৱৰ সভাত বৰদলৈ নথকাৰ কাৰণ দৰ্শালে দেৱব্ৰত শইকীয়াই