Massive fire breaks out:বিধ্বংসী অগ্নিকাণ্ড, একো বচাবলৈ নাপালে গৃহস্থই

তিনিচুকীয়া, ১৫ নৱেম্বৰ : দীপাৱলীৰ আনন্দ মাৰ নৌযাওঁতেই তিনিচুকীয়াত সংঘটিত হয় এক বিধ্বংসী অগ্নিকাণ্ডৰ ঘটনা । মঙলবাৰে নিশা তিনিচুকীয়া বালুগদা চবজিবাৰীৰ এঘৰ মানুহৰ ঘৰত জুইৰ সূত্ৰপাত ঘটে ৷ বৰ্তমানলৈকে জুই লগাৰ কাৰণ জানিব পৰা হোৱা নাই ৷

প্ৰাপ্ত খবৰ অনুসৰি, বালুগদা চবজিবাৰীৰ বাবন বৰ্মা নামৰ লোকজনৰ বাসগৃহত অগ্নিকাণ্ডৰ ঘটনা সংঘটিত হয় ৷ অগ্নিকাণ্ডটো ইমানেই বিধ্বংসী আছিল যে ক্ষন্তেক সময়তেই সম্পূৰ্ণ ঘৰটো জুইত জাহ যায় ৷ পৰৱৰ্তী সময়ত উক্ত স্থানত তিনিচুকীয়াৰ অগ্নিনিৰ্বাপক বাহিনীৰ গাড়ী উপস্থিত হৈ জুই সম্পূৰ্ণ নিৰ্বাপিত কৰে যদিও স্থানীয় ৰাইজে জানিবলৈ দিয়া অনুসৰি অগ্নিনিৰ্বাপক বাহিনীৰ গাড়ী উপস্থিত হোৱাৰ পূৰ্বেই বাসগৃহটোৰ অধিকাংশই জ্বলি যায় ৷ অগ্নিকাণ্ড সংঘটিত হোৱাৰ সময়ত ঘৰত আছিল বাবন বৰ্মাৰ ঘৈণীয়েক । অগ্নিকাণ্ডটো কেনেদৰে সংঘটিত হ’ল জানিব পৰা হোৱা নাই যদিও আৰক্ষীয়ে উপস্থিত হৈ আৰম্ভ কৰিছে তদন্ত ৷ অগ্নিকাণ্ডটোত লক্ষাধিক টকাৰ সা-সম্পত্তি নষ্ট হোৱাৰ আশংকা কৰিছে স্থানীয় ৰাইজে ৷ কোনো লোক অৱশ্যে হতাহত হোৱা নাই ৷

লগতে পঢ়ক :Fire Breaks out at Lengtisinga : বঙাইগাঁৱৰ লেংটিছিঙাত ভয়ংকৰ অগ্নিকাণ্ড, তিনিটাকৈ ঘৰ ভস্মীভূত