Husband stabs wife:মৰাণ নগৰৰ মাজমজিয়াত স্বামীৰ দাৰ ঘাপত ধৰাশায়ী পত্নী
ডিব্ৰুগড়, 23 জুন : ডিব্ৰুগড় জিলাৰ মৰাণত আজি সংঘটিত হ'ল ভয়ংকৰ ঘটনা । মৰাণ নগৰৰ মাজমজিয়াত স্বামীৰ দাৰ ঘাপত ধৰাশায়ী হ'ল পত্নী । বাবুল ছেত্ৰী নামৰ এজন ব্যক্তিয়ে দাৰে আক্ৰমণ কৰে পত্নী নিভা ছেত্ৰীক । সংকটজনকভাৱে আহত নিভা ছেত্ৰীক মৰাণৰ ব্ৰহ্মপুত্ৰ হাস্পতালত ভৰ্তি কৰোৱা হয় যদিও উন্নত চিকিৎসাৰ বাবে ডিব্ৰুগড়ৰ অসম চিকিৎসা মহাবিদ্যালয়লৈ প্ৰেৰণ কৰে চিকিৎসকে ।
জানিব পৰা অনুসৰি নিভা ছেত্ৰী মৰাণৰ ৰিভেইলী ফাষ্টফুড দোকানৰ কৰ্মচাৰী আছিল । ঘটনা সংঘটিত হোৱাৰ পাচতেই আক্ৰমণকাৰী বাবুল ছেত্ৰীক মৰাণ আৰক্ষীয়ে আটক কৰাৰ লগতে ঘটনাস্থলীৰ পৰা এখন দা উদ্ধাৰ কৰিছে । পাৰিবাৰিক কাজিয়াই এই ঘটনাৰ কাৰণ বুলি সন্দেহ কৰিছে স্থানীয়ই ।
স্বামীৰ ভাষ্য অনুসৰি পত্নী নিভা ছেত্ৰীয়ে একমাত্ৰ পুত্ৰ সন্তানক বিক্ৰী কৰি দিয়াৰ বাবেই হত্যাৰ চেষ্টা কৰে বাবুল ছেত্ৰীয়ে । ঘটনাস্থলীত মৰাণ আৰক্ষী উপস্থিত হৈ তদন্ত আৰম্ভ কৰিছে । আৰক্ষীৰ তদন্তৰ পাচতেই প্ৰকৃত কাৰণ জানিব পৰা যাব যদিও আজি এই ঘটনাই মৰাণত তীব্ৰ চাঞ্চল্যৰ সৃষ্টি কৰিছে ।
লগতে পঢ়ক :Dima Hasao district court:ডিমা হাছাও জিলাত ধর্ষণকাৰীক 20 বছৰৰ কাৰাদণ্ড জিলা আদালতৰ