Holy Bhada month: আজি পৱিত্ৰ ভাদ মাহৰ সংক্ৰান্তি - আজি পৱিত্ৰ ভাদ মাহৰ সংক্ৰান্তি
কলিয়াবৰ,১৮ আগষ্ট: অসমীয়া জাতিৰ পৱিত্ৰ মাহ ভাদ । মহাপুৰুষ শ্ৰীমন্ত শংকৰদেৱ, শ্ৰীশ্ৰী মাধৱ দেৱৰ তিৰোভাৱ তিথি এই ভাদ মাহতে লগতে শ্ৰীকৃষ্ণৰ জন্ম হৈছিল এই পৱিত্ৰ ভাদ মাহতে । ভাদ মাহ বুলিলেই মনলৈ আহে কীৰ্তন-ঘোষাৰে মুখৰিত তথা মাহ-প্ৰসাদৰ এক পৱিত্ৰ পৰিৱেশ ।
আধ্যাত্মিকতা গঢ়া প্ৰধান সোপান ল'ব পাৰি ভাদ মাহতেই । কাৰণ অসমীয়া বাৰ মাহৰ ভিতৰত আটাইতকৈ পৱিত্ৰ মাহ হ'ল ভাদ মাহ । ভক্তি ৰসেৰে পূৰ্ণ এই মাহৰ প্ৰতিটো দিনেই পৱিত্ৰ । পৱিত্ৰ মনতেই আধ্যাত্মিকতাই ঠাই লয় মানুহৰ হৃদয়ত ।
নামঘৰে নামঘৰে, সত্ৰই সত্ৰই জ্বলোৱা ধূপ-ধূনা, চন্দনৰ গোন্ধই মানুহৰ মনটোক আধ্যাত্মিকতাৰ গভীৰতালৈ লৈ যায় । য'ত থাকে ঈশ্বৰ চিন্তাৰ প্ৰাসংগিকতা । সত্ৰ-নামঘৰবোৰত পুৱা-দুপৰীয়া-আবেলি-গধুলি চাৰি প্ৰসংগত গোৱা হৰি নামে মানুহৰ হৃদয়ৰ পৰা হৃদয়লৈ আধ্যাত্মিকতাই বিস্তৃতি লাভ কৰে । কলিয়াবৰতো আজি পুৱা-প্ৰসংগৰে পৱিত্ৰ ভাদ মাহক আদৰাৰ প্ৰস্তুতি ।
লগতে পঢ়ক:Nalbari theft incident : বালিকৰিয়া বাসুদেৱ দেৱালয়ত চুৰিকাণ্ড; চোৰে লুটিলে ৩০ লক্ষাধিক টকাৰ সামগ্ৰী