Independence Day 2023: জোনাইত স্বাধীনতা দিৱস উপলক্ষে সাংবাদিক আৰু প্ৰশাসনিক বিষয়া কৰ্মীৰ ফুটবল খেল - 77th Independence Day
জোনাই, ১৬ আগষ্ট:সমগ্ৰ দেশৰ লগতে মঙলবাৰে জোনাইতো মহকুমা প্ৰশাসনৰ উদ্যোগত ৭৭ সংখ্যক স্বাধীনতা দিৱস উলাহ-মালহেৰে পালন কৰা হয় ৷ স্বাধীনতা দিৱস উপলক্ষে বিভিন্ন কাৰ্যসূচীৰ লগতে এখন প্ৰীতি ফুটবল প্ৰতিযোগিতা আয়োজন কৰে মহকুমা প্ৰশসানে ৷
জোনাই গান্ধী ময়দানত আয়োজন কৰা প্ৰীতি ফুটবল প্ৰতিযোগিতাখন অনুষ্ঠিত হয় জোনাই মহকুমা প্ৰশাসন একাদশ আৰু জোনাই প্ৰেছ ক্লাৱ একাদশৰ মাজত ৷ তীব্ৰ উত্তেজনামূলক প্ৰতিযোগিতাত জোনাই প্ৰেছ ক্লাৱ একাদশে মহকুমা প্ৰশাসন একাদশক ৪-০ গ’লত পৰাস্ত কৰি লাভ কৰে চেম্পিয়নৰ খিতাপ ৷
স্বাধীনতা দিৱস উপলক্ষে আয়োজন কৰা এই প্ৰতিযোগিতাত উপস্থিত থাকে জোনাই মহকুমাধিপতি শান্তনু গগৈ, অতিৰিক্ত সহ আয়ুক্ত বিভা কাঞ্চন গগৈ, জিন্টুমণি কলিতা, ৰাজহ চক্ৰ বিষয়া ৰাজীৱ সোণোৱাল, আৰক্ষী বিষয়া নেত্ৰকমল শইকীয়া, জোনাই প্ৰেছ ক্লাবৰ সদস্য সকলৰ লগতে বিভিন্ন চৰকাৰী বিভাগৰ বিষয়া-কৰ্মচাৰী ৷
লগতে পঢ়ক:Independence day 2023: জোনাইত স্বাধীনতা দিৱস উদযাপন