Fire at Bihpuria : বিহপুৰীয়াত ভয়ংকৰ অগ্নিকাণ্ড; ছাই হ’ল 4 খন ব্যৱসায়িক প্ৰতিষ্ঠান

বিহপুৰীয়া, 26 অক্টোবৰ :লখিমপুৰ জিলাৰ বিহপুৰীয়াত পুনৰ সংঘটিত হৈছে ভয়ংকৰ অগ্নিকাণ্ড । বিজয়া দশমীৰ দিনা বিহপুৰীয়াত সংঘটিত হোৱা অগ্নিকাণ্ডৰ পিচতে বুধবাৰে নিশা পুনৰ এক ভয়ংকৰ অগ্নিকাণ্ডৰ ঘটনা সংঘটিত হয় । এইবাৰ বিহপুৰীয়া নগৰৰ 1 নং ৱাৰ্ডত সংঘটিত এই অগ্নিকাণ্ডৰ ঘটনাটো ৷ এই অগ্নিকাণ্ডৰ ফলত 4 খন ব্যৱসায়িক প্ৰতিষ্ঠানত জুই লাগে ।

বৈদ্যুতিক শ্বৰ্ট চাৰ্কিটৰ ফলতে এই অগ্নিকাণ্ডৰ ঘটনাটো সংঘটিত হোৱাৰ আশংকা কৰিছে স্থানীয় লোকে ৷ জানিব পৰা মতে, এই অগ্নিকাণ্ডৰ ফলত বিহপুৰীয়াৰ 1 নং ৱাৰ্ডৰ দীপক ৰহমান আৰু শ্বাহিদ ৰহমানৰ গদ্ৰেজ ফেক্টৰী দুটা, এখন ফাৰ্নিচাৰৰ দোকানৰ লগতে ভাড়াত দিয়া গেলামালৰ দোকানকেইখন প্ৰায় সম্পূৰ্ণৰূপে ভস্মীভূত হৈ যায় ৷ লগতে বহু টকাৰ সা-সম্পত্তি বিনষ্ট হয় ৷

ইফালে বহু সময়ৰ অন্তত স্থানীয় ৰাইজৰ লগত মিলি অগ্নিনিৰ্বাপক বাহিনীৰ লোকে জুই নিৰ্বাপিত কৰিবলৈ সক্ষম হয় ৷

লগতে পঢ়ক :Fire incident in Bihpuria: বিহপুৰীয়াত ভয়ংকৰ অগ্নিকাণ্ডত ছাই হ’ল নগদ ধনকে ধৰি দুখনকৈ ব্যৱসায়িক প্ৰতিষ্ঠান