Fire Break out : চকুৰ সন্মুখতে জ্বলি ছাই হ’ল এটা বাসগৃহ

হোজাই, 29 অক্টোবৰ : হোজাই জিলাৰ ডবকাৰ কাচাৰীপাৰা গাঁৱত দেওবাৰে পুৱতি নিশা ভয়ংকৰ অগ্নিকাণ্ডৰ ঘটনা সংঘটিত হয় ৷ এই বিধ্বংসী অগ্নিকাণ্ডত নিমিষতে জ্বলি ছাই হয় আব্দুল হাচিব নামৰ এজন লোকৰ বাসগৃহ ৷ লগে লগে অঞ্চলটোত হাহাকাৰ পৰিস্থিতিৰ সৃষ্টি হয় ৷ ততাতৈয়াকৈ স্থানীয় লোকসকলে অগ্নি নিৰ্বাপক বাহিনীক খবৰ দিয়ে ৷

খবৰ পোৱা মাত্ৰকে অগ্নি নিৰ্বাপক বাহিনীৰ গাড়ী ঘটনাস্থলীত উপস্থিত হয় ৷ অগ্নি নিৰ্বাপক বাহিনীয়ে জুই নুমুৱাবলৈ সক্ষম হয় যদিও তেতিয়ালৈ বাসগৃহটো জুইত জাহ যায় ৷ এই অগ্নিকাণ্ডৰ ফলত কেইবা লক্ষাধিক টকাৰ সা-সম্পত্তি ভস্মীভূত হয় বুলি জানিব পৰা গৈছে ৷ অৱশ্যে ক’ৰ পৰা এই অগ্নিকাণ্ডৰ সূত্ৰপাত ঘটিল সেই সন্দৰ্ভত বৰ্তমানলৈকে লাভ কৰা নাই কোনো তথ্য ৷

লগতে পঢ়ক:Husband attack wife face : সন্দেহৰ বশৱৰ্তী হৈ পত্নীৰ মুখত ব্লেডেৰে অকিয়ালে স্বামীয়ে