Dead body recovered at Rangapara: কছাৰীগাঁও চাহ বাগিচাত উদ্ধাৰ মৃতদেহ

ৰঙাপৰা আৰক্ষী থানাৰ অন্তৰ্গত কছাৰীগাঁও চাহ বাগিচাত বৃহস্পতিবাৰে এটা মৃতদেহ উদ্ধাৰ হয়(Dead body recovered at Rangapara) । চাহ বাগিচাখনৰ ৭ নং শ্ৰমিক লাইনৰ ১২ নং প্ৰাথমিক বিদ্যালয়ৰ সমীপৰ এটা পুখুৰীত সন্ধিয়া প্ৰায় ৬-৩০ বজাত উদ্ধাৰ হয় মৃতদেহটো ৷ মৃত লোকজন অজিত ভূমিজ বুলি চিনাক্ত কৰিছে স্থানীয় ৰাইজে । অজিত ভূমিজৰ প্ৰকৃত ঘৰ হেলেমত । স্থানীয় ৰাইজে মৃতদেহটো প্ৰত্যক্ষ কৰি ৰঙাপৰা আৰক্ষীক(Rangapara police Station)খবৰ দিয়ে ৷ ঘটনাৰ খবৰ পোৱাৰ পাছতে ঘটনাস্থলীত ৰঙাপৰা আৰক্ষী উপস্থিত হয় আৰু মৃতদেহটো উদ্ধাৰ কৰি থানালৈ লৈ আহে । সম্প্ৰতি ৰঙাপৰা আৰক্ষীয়ে ঘটনাৰ সন্দৰ্ভত তদন্ত আৰম্ভ কৰিছে ।