Body recovered in Golaghat : গোলাঘাটৰ ফৰকাটিঙত অচিনাক্ত মৃতদেহ উদ্ধাৰ - গোলাঘাটৰ ফৰকাটিঙত অচিনাক্ত মৃতদেহ উদ্ধাৰ

গোলাঘাট, ৩০ অক্টোবৰ:গোলাঘাট জিলাৰ ফৰকাটিঙৰ ১নং তিৰোৱাল গাঁৱৰ ৰে'লপথৰ কাষৰ এখন পিটনিত সোমবাৰে উদ্ধাৰ হৈছে এজন পুৰুষৰ মৃতদেহ । আজি নিশা স্থানীয় লোকে মৃতদেহটো প্ৰত্যক্ষ কৰি আৰক্ষীক খবৰ দিয়ে । এই ঘটনাৰ খবৰ লাভ কৰাৰ পিচতেই ৰে'ল আৰক্ষী আৰু ফৰকাটিং থানাৰ আৰক্ষী ঘটনাস্থলীত উপস্থিত হৈ মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে ।  

বৰ্তমানলৈকে মৃতদেহটো স্থানীয় ৰাইজৰ লগতে আৰক্ষীয়ে চিনাক্ত কৰিব পৰা নাই । এই লোকজনৰ কি পৰিস্থিতিত মৃত্যু হৈছে সেই বিষয়ে এতিয়ালৈকে স্পষ্ট হোৱা নাই । অৱশ্য়ে স্থানীয় লোকে অত্য়াধিক নিচাজাতীয় দ্ৰব্য সেৱন কৰাৰ ফলত লোকজনে পথাৰৰ মাজত পৰি যোৱাত মৃত্যু হোৱা বুলি সন্দেহ প্ৰকাশ কৰিছে । 

লগতে পঢ়ক:Congress leader Sarat Barkataki: কংগ্ৰেছ দলে হেৰুৱালে এগৰাকী অভিভাৱক; বৰ্ষীয়ান নেতা শৰৎ বৰকটকীৰ দেহাৱসান