Boat sinks at Ghiladhari river : ঘিলাধাৰী নৈত নাও ডুবি নিৰুদ্দেশ দুই মহিলা

বিশ্বনাথত অঘটন ৷ সোমবাৰে বিশ্বনাথৰ মুখৰগড়ৰ ঘিলাধাৰী নৈত সংঘটিত হয় নাও দুৰ্ঘটনা (Boat accident at Ghiladhari river) ৷ ঘিলাধাৰী নৈ পাৰ হওঁতে সংঘটিত হয় এই অঘটনটো ৷ ইতিমধ্যে জীৱন্তে উদ্ধাৰ কৰা হৈছে নাওখনত থকা 4 গৰাকী মহিলা ৷ বৰ্তমানো নিৰুদ্দেশ হৈ আছে আন 2 গৰাকী মহিলা ৷ নিৰুদ্দেশ হোৱা মহিলা 2 গৰাকী যতি চাহু (25) আৰু স্বৰগমণি কেওঁট বুলি জানিব পৰা গৈছে ৷ ইতিমধ্যে ঘটনাস্থলীত উপস্থিতি হৈছে বিশ্বনাথৰ আৰক্ষী অধীক্ষকসহ এটা বৃহৎ আৰক্ষীৰ দল ৷ নিশা হোৱাৰ বাবেই বৰ্তমান স্থগীত ৰখা হৈছে উদ্ধাৰ অভিযান ৷ মঙলবাৰে পুৱাই নিৰুদ্দিষ্ট মহিলা 2 গৰাকীৰ সন্ধানত নামিব SDRF বাহিনী ৷ এই কথা সদৰী কৰিছে বিশ্বনাথ জিলাৰ আৰক্ষী অধীক্ষক নবীন সিঙে ৷