DAC Election 2022 : দেউৰী স্বায়ত্ব শাসিত পৰিষদৰ নিৰ্বাচনক লৈ জোনাইত তীব্ৰতৰ হৈছে প্ৰচাৰ অভিযান - DAC election candidate Jonai

দেউৰী স্বায়ত্ব শাসিত পৰিষদৰ নিৰ্বাচনক লৈ প্ৰচাৰ অভিযান এতিয়া তুংগত (DAC election 2022)৷ ১২ নং জোনাই সমষ্টিৰ বাবে বিজেপি, গণশক্তি আৰু এজিপিৰ মিত্ৰজোঁটৰ প্ৰাৰ্থী হেমন্ত দেউৰীয়ে তীব্ৰ কৰি তুলিছে প্ৰচাৰ অভিযান (DAC election at Jonai)৷ প্ৰাৰ্থীগৰাকীয়ে বৰ্তমানলৈ কোনো বিশাল সভা অনুষ্ঠিত কৰা নাই যদিও দলীয় সমৰ্থকক লগত লৈ সমষ্টিবাসীৰ ঘৰে ঘৰে গৈ প্ৰচাৰ অভিযান চলাই গৈছে ৷ প্ৰাৰ্থীগৰাকীৰ জয় ১০০ শতাংশ নিশ্চিত বুলি দাবী কৰাৰ লগতে আন কোনো দলৰ প্ৰাৰ্থীকেই তেওঁ প্ৰতিদ্বন্দী বুলি ভৱা নাই বুলি মন্তব্য কৰে ৷ উল্লেখ্য যে, ৯৬৮ জন ভোটাৰ থকা ১২ নং জোনাই সমষ্টিৰ বাবে মুঠ তিনিজন প্ৰাৰ্থীয়ে প্ৰতিদন্দিতা আগবঢ়াইছে (DAC election candidate Jonai)৷