AATSA Protest at Kaliabor: ভাৰতীয় তেল নিগমৰ বঞ্চনাৰ বিৰুদ্ধে সোঁচ্চাৰ আটছা

আটছাৰ কলিয়াবৰ শাখা সমিতি আৰু নগাঁও জিলা সমিতিয়ে বৃহস্পতিবাৰে কলিয়াবৰত ভাৰতীয় তেল নিগমৰ(Indian Oil Corporation) বিৰুদ্ধে উত্তাল প্ৰতিবাদ সাব্যস্ত কৰে ৷ কলিয়াবৰত থলুৱা তথা থলুৱা শিক্ষিত নিবনুৱাসকলক বঞ্চনাৰ অভিযোগ তুলি ৰাঙলুস্থিত ভাৰতীয় তেল নিগমৰ পাম্পিং ষ্টেচনৰ কৰ্তৃপক্ষৰ বিৰুদ্ধে এই প্ৰতিবাদ সাব্যস্ত কৰে সংগঠনটোৰ নেতৃবৃন্দই(AATSA Protest at Kaliabor) । তেওঁলোকে নিগমত থলুৱা নিযুক্তি, পাম্পিং ষ্টেচনৰ নামত মাটি লোৱা লোকসকলৰ পৰিয়ালৰ লোকক সংস্থাপন দিয়াৰ লগতে ক্ষতিগ্ৰস্ত লোকক উপযুক্ত ক্ষতিপূৰণ দিয়াৰ দাবীত চৌদিশ উত্তাল কৰি তোলে ৷ তেওঁলোকে শীঘ্ৰেই তেওঁলোকৰ দাবী পূৰণ নকৰিলে অনাগত দিনত নিগমৰ বিৰুদ্ধে তীব্ৰ গণতান্ত্ৰিক আন্দোলন গঢ়ি তোলাৰ হুংকাৰ দিয়ে ।