স্বয়ম্ভূ সংগঠন আপলাৰ মুখ্য সেনাধ্যক্ষক গ্ৰেপ্তাৰ - গোলাঘাট আপলা সেনাধ্যক্ষ

বৃহস্পতিবাৰে গোলাঘাট জিলাৰ উৰিয়ামঘাট সীমান্তৰ 1 নং সোনাৰীবিলৰ পৰা স্বয়ম্ভূ আদিবাসী উগ্ৰপন্থী সংগঠন আপলাৰ (APLA) মুখ্য সেনাধ্যক্ষ চাহিল মুণ্ডাৰ লগতে কেডাৰ জয়ন্ত হাওক কৰায়ত্ত কৰে গোলাঘাট আৰক্ষীয়ে (APLA chief arrested in Golaghat)। উৰিয়ামঘাট থানাৰ আৰক্ষী, ১৪২ চিআৰপিএফৰ যুটীয়া অভিযানত আটক কৰা হয় সংগঠনটোৰ নেতা দুজনক । আৰক্ষীয়ে ধৃত নেতাদুজনৰ পৰা ১০ জাঁই সজীৱ গুলী, দুটা পিষ্টল উদ্ধাৰ কৰে । উল্লেখযোগ্য যে, আনলাৰ পৰা পৃথক হৈ ধৃত কেডাৰকেইজনে ২০১৯ চনত গঠন কৰিছিল আদিবাসী পিপুল লিবাৰেচন আৰ্মী চমুকৈ আপলাৰ(APLA) ৷ ইফালে, আটকাধীন সংগঠনটোৰ নেতাকেইজন বহু অসামাজিক কাৰ্যকলাপত জড়িত থকাৰ কথা সংবাদমাধ্যমৰ আগত প্ৰকাশ কৰিছে ধনশিৰি মহকুমা আৰক্ষী বিষয়া ত্ৰিনয়ন ভূঞাই ।