Tongue Taste Change: হঠাৎ জিভাৰে সোৱাদ নোপোৱা হ’লে আওকাণ নকৰিব; হ’ব পাৰে এইসমূহ ৰোগ

হঠাৎ যদি আমি জিভাৰ সোৱাদ নোপোৱা হওঁ তেতিয়া খাদ্য খাবলৈ মন নাযায় ৷ এনে হ’লে বহুলোকে আওকাণ কৰে যদিও তেনে কৰাটো উচিত নহয় ৷ এয়া কেতিয়াবা গুৰুতৰ ৰোগৰ লক্ষণো হ’ব পাৰে ৷ সেয়ে এই সমস্যাই দেখা দিলে কি কি ৰোগৰ লক্ষণ হ’ব পাৰে জানি লওক...

খাদ্য অবিহনে আমি আমাৰ জীৱন কল্পনাই কৰিব নোৱাৰো ৷ কিন্তু সকলোৱে কেৱল জীয়াই থকাৰ বাবেই খাদ্য নাখায়, বৰঞ্চ বহু লোকে জিভাৰ জুতি বিচাৰে প্ৰতিটো খাদ্যত ৷ যিটো আমাৰ জিভাৰ ওপৰত নিৰ্ভৰ কৰে ৷ কিন্তু বহুবাৰ আমি জিভাত বেয়া সোৱাদ অনুভৱ কৰোঁ আৰু ইয়াক আওকাণ কৰোঁ ৷ কিন্তু তেনে কৰাটো বিপজ্জনক হ’ব পাৰে ৷ কাৰণ জিভাখন নিস্তেজ হোৱাটো বহু গুৰুতৰ ৰোগৰ লক্ষণ ৷ দৰাচলতে আমি অসুস্থ হ’লে আমাৰ জিভাৰ সোৱাদ আৰু ৰঙো সলনি হয়, যাৰ বাবে চিকিৎসাৰ সময়ত চিকিৎসকে প্ৰায়ে আমাৰ জিভাখন ভালদৰে চায় ৷

জিভাৰ সোৱাদ কিয় সলনি হয় ?

১/ জ্বৰ

যেতিয়া কোনো লোক জ্বৰত আক্ৰান্ত হয়, তেতিয়া জিভাই সোৱাদ নাপাব পাৰে ৷ এইটো এটা সাধাৰণ শাৰীৰিক সমস্যা যদিও কিছুমান ক্ষেত্ৰত ই কোনো ৰোগৰ লক্ষণো হ’ব পাৰে ৷

২/ ডায়েবেটিছ

ডায়েবেটিছ ৰোগী প্ৰায়ে জিভাৰ সোৱাদৰ পৰিৱৰ্তনৰ সন্মুখীন হয় ৷ তেওঁলোকৰ ৰক্তশৰ্কৰাৰ অৱস্থা জানিবলৈ এইটো গুৰুত্বপূৰ্ণ হ’ব পাৰে ৷

৩/ দাঁতৰ সমস্যা

দাঁতৰ সমস্যাই জিভাৰ সোৱাদতো প্ৰভাৱ পেলাব পাৰে ৷ জিঞ্জিভাইটিছ, গহ্বৰ, বা মুখ পৰিষ্কাৰ নকৰাৰ বাবে এনে সমস্যাৰ সৃষ্টি হোৱাটো অতি সাধাৰণ কথা ৷

৪/ স্নায়ুজনিত সমস্যা

বহুতো স্নায়ুজনিত ৰোগ, যেনে পাৰ্কিনছন ৰোগ, এলঝেইমাৰ, বা মাল্টিপল স্ক্লেৰোচিছৰ ফলত জিভাৰ সোৱাদ সলনি হ’ব পাৰে ৷

৫/ কাহ আৰু চৰ্দি

কাহ আৰু চৰ্দিৰ সময়ত জিভাৰ সোৱাদ কমি যাব পাৰে, কাৰণ নাক বন্ধ হোৱাৰ বাবে এনে হয়, আচলতে আমাৰ সোৱাদ নিৰ্ণয়ৰ বাবেও নাকেই দায়ৱদ্ধ ৷

৬/ ক'ভিড-১৯

সমগ্ৰ বিশ্বতে কৰ’না ভাইৰাছৰ সংক্ৰমণে বিধ্বংসী ৰূপ ধাৰণ কৰিছিল, এই সময়ছোৱাত বহুলোকে জিভাৰ সোৱাদ হেৰুৱাই পেলোৱা অনুভৱ কৰিছিল ৷ এয়া Covid-19 ৰ অন্যতম গুৰুত্বপূৰ্ণ লক্ষণ ৷

লগতে পঢ়ক:Water Benefits: দৈনিক ৫ গিলাচ পানী খালে এই ৪ টা সমস্যাৰ পৰা পৰিত্ৰাণ পাব

লগতে পঢ়ক:Bhindi Masala Recipe: ভাত-ৰুটিৰ সৈতে খাবলৈ খুবেই সুস্বাদু এই ভেন্দি ভাজি, এনেদৰে কৰক তৈয়াৰ