বিজ্ঞান আৰু প্ৰযুক্তিবিদ্যাৰ ব্যৱহাৰে চিকিৎসা বিজ্ঞানক এক নতুন মাত্ৰা প্ৰদান কৰিছে । অস্ত্ৰোপচাৰৰ ক্ষেত্ৰতো ৰাবটিক অস্ত্রোপচাৰে এক অন্য মাত্ৰা প্ৰদান কৰিছে । বৰ্তমান সময়তচোৱাত চিকিৎসা বিজ্ঞানত ৰবটিক অস্ত্ৰোপচাৰৰ ক্ষেত্ৰত অধিক গুৰুত্ব আৰোপ কৰা হৈছে । বিশ্ব বহু দেশতেই এতিয়া জনপ্ৰিয় হৈ পৰিছে ৰবটিক অস্ত্ৰোপচাৰৰ । কিন্তু অসমত বৰ্তমানলৈকে ৰবটৰ দ্বাৰা অস্ত্ৰোপচাৰ প্রয়োজনীয় আন্তঃগাঁথনিৰ লগতে প্ৰশিক্ষণৰ বাবে এই ব্যৱস্থা সীমিত হৈ আছে । প্ৰায় দুই আঢ়ৈ বছৰপূৰ্বে অসমত আৰম্ভ হৈছিল ৰবটিক চাৰ্জাৰী ।
ৰবটিক অস্ত্ৰোপচাৰ কেনেদৰে কৰা হয়
ৰবটিক অস্ত্ৰোপচাৰত ৰবট হ’ল চিকিৎসক আৰু ৰোগীগৰাকীৰ মাজৰ এটা যন্ত্ৰ । ছার্জিকেল ৰবটৰ দ্বাৰা সম্পন্ন কৰা অস্ত্ৰোপচাৰকেই সহজ অৰ্থত ৰবটিক ছাৰ্জাৰী বুলি কোৱা হয় । ৰবটে চিকিৎসকগৰাকীৰ হাত শক্তিশালী কৰাৰ লগতেই হাতৰ গতি বঢ়ায় । এগৰাকী চিকিৎসকে অস্ত্ৰোপচাৰ কৰোতে যিমান গতিত কার্য সম্পাদন কৰিব পাৰে তাৰ গতি বঢ়ায় । যদিহে অস্ত্ৰোপচাৰৰ সময় চিকিৎসকগৰাকীৰ হাত কঁপে সেয়া ৰবটে নোহোৱা কৰি দিবলৈ সক্ষম ।
অস্ত্ৰোপচাৰৰ সময়ত কৰা চিলাই সমূহো চিকিৎসকগৰাকীৰ হাত ব্যৱহাৰ নকৰাকৈয়ে ৰবটে কৰি দিয়ে । ৰবটি অস্ত্ৰৰে চিকিৎসকগৰাকীয়ে ৰোগীৰ দেহৰ অংশ কাটি অস্ত্ৰোপচাৰ কৰিব পাৰে । লগতে চিকিৎসকগৰাকী বহিয়ে ৰবটৰ দ্বাৰ অস্ত্ৰোপচাৰ কৰিব পাৰে । 3D স্কীৰ্নৰ সহায়ত এই পদ্ধতিৰ অস্ত্ৰোপচাৰ সম্পন্ন হয় । প্রতি ছেকেণ্ডত ১১০০ গুণ বেছি দ্রুত গতিত কার্য সম্পাদন কৰিব পৰা ক্ষমতা আছে ৰবটৰ হাত দুখনৰ । ৰবটৰ দ্বাৰা ৭ ডিগ্ৰী অফ মভমেণ্ট কৰিব পাৰি ।