Migraine Prevention Tips: মাইগ্ৰেইনৰ ফলত মূৰ ফাটি যোৱা যেন অনুভৱ হয় ? তেন্তে এনেদৰে কৰক নিৰাময়

শীতকালত মাইগ্ৰেইন ৰোগীৰ সমস্যা বৃদ্ধি পাব পাৰে । বিষত মূৰ ফাটি যোৱাৰ অনুভৱ হয় আৰু বমিৰ সমস্যাও দেখা দিব পাৰে, গতিকে যদি আপোনাৰো যদি মাইগ্ৰেইনৰ সমস্যা আছে আৰু পৰিৱৰ্তিত বতৰৰ বাবে অসুবিধা অনুভৱ কৰিব নিবিচাৰে, তেন্তে ইয়াৰ পৰা হাত সাৰিবলৈ এই ব্যৱস্থা গ্ৰহণ কৰক । ইয়াৰ ফলত বহু পৰিমাণে আমি এই যন্ত্ৰণাৰ পৰা নিজকে ৰক্ষা কৰিব পাৰো ।

অক্টোবৰ-নৱেম্বৰৰ পৰা বতৰ সলনি হ’বলৈ আৰম্ভ কৰে ৷ খাদ্যৰ ক্ষেত্ৰত শীতকাল সৰ্বোত্তম বুলি গণ্য কৰা হয়, আনহাতে ইয়াৰ বিপৰীতে এই বতৰে স্বাস্থ্যৰ পক্ষে কিছু সমস্যা নিজৰ লগত লৈ আহে ৷ শীতকালত যেতিয়া পুৰণি বিষ ওলাই আহিবলৈ আৰম্ভ কৰে, তাৰ লগে লগে মাইগ্ৰেইন ৰোগীৰ সমস্যাও যথেষ্ট বাঢ়ি যায় ৷ শীতকাল আগবাঢ়ি যোৱাৰ লগে লগে মাইগ্ৰেইন অধিক বিপদজনক হৈ উঠিব পাৰে ৷ ইয়াৰ পৰা হাত সাৰিবলৈ কি উপায় জানো আহক-

সূৰ্যৰ পোহৰৰ অভাৱত মাইগ্ৰেইনৰ সমস্যা বৃদ্ধি পাব পাৰে

ঠাণ্ডা বতাহৰ বাবে মূৰত ৰক্ত সঞ্চালন সঠিকভাৱে নহয়, যাৰ ফলত মূৰৰ বিষ হ’ব পাৰে ৷ ইয়াৰ উপৰিও সূৰ্যৰ পোহৰৰ অভাৱৰ বাবেও মাইগ্ৰেইন বৃদ্ধি পাব পাৰে ৷ সূৰ্যৰ পোহৰৰ অভাৱত মগজুত থকা চেৰ’টনিন ৰাসায়নিক পদাৰ্থ ভাৰসাম্যহীন হৈ পৰিব পাৰে ৷ যাৰ বাবে মাইগ্ৰেইনৰ সমস্যা বৃদ্ধি পাব পাৰে ৷ ইয়াৰ উপৰিও সূৰ্যৰ পোহৰৰ অভাৱে শৰীৰৰ Circadian Rhythmত প্ৰভাৱ পেলায়, যাৰ বাবে টোপনিৰ পৰা শোৱা-উঠা ক্ষেত্ৰত সমস্যাৰ সৃষ্টি হয় আৰু টোপনিৰ অভাৱত মাইগ্ৰেইনৰ সমস্যা বৃদ্ধি হ’ব পাৰে ৷

মাইগ্ৰেইনৰ পৰা হাত সৰাৰ উপায়

• স্বাস্থ্য বিশেষজ্ঞসকলৰ মতে, জীৱনশৈলীৰ বহু পৰিৱৰ্তনৰ বাবে মূৰৰ বিষৰ সমস্যা বহু পৰিমাণে নিয়ন্ত্ৰণ কৰিব পৰা যায় ৷
• অৱশ্যে ঠাণ্ডা বতৰত পিয়াহ কম হয়, কিন্তু শৰীৰত পানীৰ অভাৱ হ’বলৈ নিদিব ৷ পানীৰ অভাৱত পানীলগা হয়, যাৰ ফলত মূৰৰ বিষ হ’ব পাৰে ৷ লগতে অতিমাত্ৰা কফি, চাহ, সুৰা বা ধঁপাত সেৱন নকৰিব ৷
• নিয়মিতভাৱে ব্যায়াম কৰক ৷ ইয়াৰ ফলত চেৰ’টনিন হৰম’নৰ মাত্ৰা বৃদ্ধি পায়, যাৰ ফলত মাইগ্ৰেইনৰ সম্ভাৱনা হ্ৰাস পাব পাৰে ৷
• ঠাণ্ডাৰ সময়ত মূৰটো ভালদৰে ঢাকি ৰাখিব লাগে ৷ ইয়াৰ দ্বাৰাও মাইগ্ৰেইনৰ বিষৰ পৰা হাত সাৰিব পাৰি ৷
• ভাল টোপনিৰ দ্বাৰাও মাইগ্ৰেইনৰ বিষ কমাব পাৰি ৷ যদি টোপনি নাহে তেন্তে মৃদু সংগীত শুনা, কিতাপ পঢ়া বা কিছু সময় ধ্যান কৰাটোও লাভজনক ৷

লগতে পঢ়ক:Pregnancy Care Tips: প্ৰসৱৰ সময়ত হোৱা সমস্যাৰ পৰা হাত সাৰিবলৈ এনেদৰে লওক স্বাস্থ্যৰ যত্ন