শৰীৰৰ বিকাশৰ বাবে স্বাস্থ্যসন্মত খাদ্যৰ প্ৰয়োজন ৷ কিন্তু ব্যস্ততাৰে জীৱনত মানুহে প্ৰায়ে ভুল খাদ্যাভ্যাস অনুসৰণ কৰে, যাৰ বাবে তেওঁলোকে বহু স্বাস্থ্যজনিত সমস্যাৰ সন্মুখীন হ’বলগীয়া হয় ৷ এই কথা শুনি আপুনিও হয়তো আচৰিত হ’ব পাৰে, কিন্তু বেয়া খাদ্যাভ্যাসে সময়ৰ আগতেই আপোনাক বয়সীয়াল কৰি তুলিব ৷
স্বাস্থ্য বিশেষজ্ঞৰ মতে, বহুতো খাদ্য আছে যিবোৰ খালে বয়সতকৈ বয়সীয়াল দেখা যায় ৷ আহক আমি এনে খাদ্যৰ বিষয়ে কওঁ যিবোৰে আপোনাৰ মুখত বলিৰেখা আৰু মিহি ৰেখাৰ সৃষ্টি কৰিব পাৰে ৷
মছলাযুক্ত খাদ্য
মছলাযুক্ত খাদ্যই আপোনাৰ পেটৰ ক্ষতি কৰাই নহয়, সামগ্ৰিক স্বাস্থ্য আৰু ছালৰ বাবেও ক্ষতিকাৰক ৷ অধিক মছলাযুক্ত খাদ্য খোৱাৰ ফলত ৰক্তবাহী নলী ফুলিবলৈ ধৰে ৷ যিয়ে আপোনাক বয়সতকৈ আগত বৃদ্ধ দেখাবলৈ আৰম্ভ কৰে ৷
চোডা পানীয়
চোডা আৰু এনাৰ্জি ড্ৰিংকছত অধিক পৰিমাণে চেনি থাকে ৷ এইবোৰ অতিমাত্ৰা পান কৰিলে শৰীৰৰ কলাবোৰ দ্ৰুতগতিত কমযোৰ হ’বলৈ ধৰে ৷ চোডা পানীয়ত কেলৰিৰ পৰিমাণ আৰু চেনিৰ পৰিমাণ বেছি হোৱাৰ বাবে এচিড গঠন হয়, যিটো দাঁতৰ বাবে বিপজ্জনক ৷ এই এচিডে ছালত কলাজেনৰ উৎপাদন হ্ৰাস কৰে ৷
সুৰা
হয়তো অতি কম সংখ্যক লোকেহে জানে যে সুৰা সেৱন কৰিলে ডিহাইড্ৰেচন হ’ব পাৰে ৷ কেৱল ইয়াৰ বাবেই আমাৰ ছালখনো শুকান হ’বলৈ আৰম্ভ কৰে, যাৰ বাবে ছালত বলিৰেখা দ্ৰুতগতিত দেখা দিবলৈ আৰম্ভ কৰে ৷
বেকড ফুড
ভজা খাদ্যৰ লগতে বেকড খাদ্যও অতি অস্বাস্থ্যকৰ বুলি গণ্য কৰা হয় ৷ ইয়াৰ কাৰণে ছালত বেয়া প্ৰভাৱ দেখা যায় ৷ কেক আৰু কুকিজৰ দৰে বেকড খাদ্যত চৰ্বিৰ পৰিমাণ বেছি ৷ চৰ্বিযুক্ত খাদ্য খালে শৰীৰত কলেষ্টেৰলৰ মাত্ৰাও বৃদ্ধি পাব পাৰে ৷ ইয়াৰ বাবে ডায়েবেটিছৰো আশংকা বৃদ্ধি হয় ৷
লগতে পঢ়ক:Heart Health: নিয়ন্ত্ৰিত হ’ব কলেষ্টেৰল, সুস্থ হৈ থাকিব হৃদযন্ত্ৰ; আজিয়েই অনুসৰণ কৰক এই ডায়েট
