Bones diseases: ৩০ বছৰ বয়সত হাড় দুৰ্বল হৈ আহিছে ? চিকিৎসকৰ পৰা জানি লওক নিদানৰ উপায়

বৰ্তমান সময়ত দুৰ্বল জীৱনশৈলীৰ বাবে অতি কম বয়সতে মানুহৰ হাড় দুৰ্বল হৈ আহিছে । বেয়া খাদ্যাভ্যাস আৰু ভিটামিন Dৰ অভাৱ ইয়াৰ মূল কাৰণ । বিশেষজ্ঞৰ পৰা ইয়াৰ পৰা পৰিত্ৰাণ লাভ কৰাৰ উপায়বোৰ জানো আহক-

পূৰ্বে বৃদ্ধৱস্থাত হাড়ৰ বিষ বা বাতবিষৰ সমস্যাৰ সৃষ্টি হৈছিল যদিও এতিয়া বহুলোকে ৩০ বছৰ বয়সতে এই সমস্যাৰ সন্মুখীন হ’বলগীয়া হৈছে । এই বয়সত অষ্টিঅ’পৰ’ছিছ আৰু হাড়ৰ সৈতে জড়িত অন্যান্য ৰোগৰ আশংকাও বৃদ্ধি পাইছে যদিও চিকিৎসকে দিয়া কিছুমান পদ্ধতি পালন কৰিলে হাড়ৰ ৰোগ প্ৰতিৰোধ কৰিব পৰা যায় । এই বিষয়ে বিতংভাৱে জনাওক-

চিকিৎসকে এই সন্দৰ্ভত কয় যে, ভুল খাদ্যাভ্যাসৰ বাবে মানুহে কম বয়সতে হাড় দুৰ্বল হোৱাৰ দৰে সমস্যাৰ সন্মুখীন হ’বলগীয়া হৈছে । সঠিক খাদ্যাভ্যাস আৰু ব্যায়ামৰ দ্বাৰা হাড়ৰ স্বাস্থ্য বজাই ৰাখিব পাৰি । ইয়াৰ বাবে আপুনি অধিক কেলচিয়ামযুক্ত খাদ্য গ্ৰহণ কৰাটো প্ৰয়োজনীয় । ইয়াত গাখীৰ, পানীৰ, বুট আৰু সেউজীয়া শাক-পাচলি আপোনাৰ খাদ্য তালিকাত অন্তৰ্ভুক্ত কৰিব পাৰে ।

ভিটামিন ডি অতি গুৰুত্বপূৰ্ণ

চিকিৎসকে কয় যে, যুৱ প্ৰজন্মৰ মাজত ভিটামিন ডিৰ বহু অভাৱ দেখা গৈছে । এই ভিটামিনৰ অভাৱৰ বাবে কম বয়সতে হাড় দুৰ্বল হৈ আহিছে । এনে পৰিস্থিতিত মানুহক সূৰ্যৰ পোহৰত সময় কটাবলৈ পৰামৰ্শ দিয়া হয় । খাদ্যত কণীৰ কুহুম আৰু দুগ্ধজাত সামগ্ৰী ব্যৱহাৰ কৰিলে ভিটামিন ডিৰ অভাৱ দূৰ কৰিব পাৰি ।

দৈনিক ব্যায়াম কৰক

মানুহে ভাবে যে ব্যায়ামৰ দ্বাৰাহে শৰীৰ তৈয়াৰ হয়, কিন্তু দৈনিক ব্যায়াম কৰিলে আপোনাৰ হাড়বোৰো মজবুত হয় । যদি আপুনি দৈনিক জগিং বা ওজন উত্তোলনৰ ব্যায়াম কৰে, তেন্তে হাড় শক্তিশালী হয় । এসপ্তাহত কমেও ১৫০ মিনিট এৰ’বিক এক্টিভিটি কৰিবলৈ চেষ্টা কৰক ।

মদ্যপান সীমিত কৰক

চিকিৎসক কয় যে, অত্যধিক মদ্যপান কৰিলে হাড় দুৰ্বল হৈ পৰে । ইয়াৰ বাবে হাড়ৰ ঘনত্ব কমিবলৈ আৰম্ভ কৰে । ইয়াৰ উপৰিও শৰীৰত কেলচিয়ামৰ অভাৱ ঘটে । ইয়াৰ লগতে ই হাড়ৰ গঠনো কমাই ৰাখে । সুৰাৰ উপৰিও ধূমপান হাড়ৰ স্বাস্থ্যৰ পক্ষে যথেষ্ট ক্ষতিকাৰক ।

লগতে পঢ়ক:Benefit of Curry Leaves: বিভিন্ন গুণাগুণেৰে সমৃদ্ধ নৰসিংহ পাত, স্বাস্থ্য উপকাৰিতাৰ জানি হৈ পৰিব স্তম্ভিত