আমিনগাঁও, ২৬ ফেব্ৰুৱাৰীঃমঙলবাৰে কামৰূপৰ আমিনগাঁৱত অনুষ্ঠিত হয় এক কৃষি সঁজুলি বিতৰণ কাৰ্যসূচী । এই কাৰ্যসূচীতে উপস্থিত থাকে ৰাজ্যিক স্বাস্থ্য মন্ত্ৰীপীয়ুষ হাজৰিকা। এই অনুষ্ঠানটোত জিলাখনৰ ২৬ হাজাৰ কৃষকক কৃষি সঁজুলি বিতৰণ কৰে মন্ত্ৰীগৰাকীয়ে । ইফালে এই অনুষ্ঠাতে ৰাজ্য কঁপোৱা সুৰা ট্ৰেজেডী সন্ধৰ্ভত মন্ত্ৰী পিয়ুষ হাজৰিকাৰ প্ৰতিক্ৰিয়া-
লালী গুৰ নে মিথানল এতিয়াও স্পষ্ট নহয়: পিয়ুষ হাজৰিকা
অবৈধ লালীৰ গুৰৰ বিৰুদ্ধে ফাইট হ'ব লাগে বুলি মন্তব্য় কৰে পিয়ুষ হাজৰিকাই । অবৈধ লালী গুৰ নে মিথানলৰ পৰাহে সুৰাৰ বিষক্ৰিয়া হৈছে এতিয়াও স্পষ্ট নহয় বুলি উল্লেখ কৰি কয় প্ৰাথমিক তদন্তত যদিও মিথানলৰ ব্যৱহাৰৰ পোৱা গৈছে কিন্তু ফৰেনচিক তদন্ত এতিয়াও বাকী আছে । যদিহে লালী গুৰৰ পৰা হোৱা বুলি প্ৰমাণিত হয় তেন্তে নিষিদ্ধ হ'ব লাগে লালী গুৰ বুলি দাবী উত্থাপন কৰে মন্ত্ৰীগৰাকীয়ে ।