তিনিচুকীয়াত নিৰ্বাচনকলৈ ভোটাৰৰ ব্যাপক উচাহ

প্ৰতিটো ভোটকেন্দ্ৰত ভোটাৰৰ লানি নিছিগা শাৰী দেখিবলৈ পোৱা গৈছে ৷

তিনিচুকীয়া , 11 এপ্ৰিল : ৰাজ্যৰ পাঁচটা লোকসভা সমষ্টিত আৰম্ভ হ'ল প্ৰথম পৰ্যায়ৰ ভোট গ্ৰহণ প্ৰক্ৰিয়া ৷ তিনিচুকীয়াত ভোটাৰৰ মাজত ব্যাপক উৎসাহ পৰিলক্ষিত হৈছে ৷

তিনিচুকীয়া নিৰ্বাচনী জিলাৰ ডিব্ৰুগড় আৰু লখিমপুৰ লোকসভা সমষ্টিৰ অধীনত থকা তিনিটা বিধান সভা সমষ্টিৰ 505টা ভোট গ্ৰহণ কেন্দ্ৰত ইতিমধ্যে ভোট গ্ৰহণ প্ৰক্ৰিয়া আৰম্ভ হৈছে ৷ প্ৰখৰ ৰ’দকো নেওচি পুৱাৰে পৰা প্ৰতিটো ভোট কেন্দ্ৰত ভোটাৰৰ লানি নিছিগা শাৰী দেখিবলৈ পোৱা গৈছে ৷