তিনিচুকীয়াত আটক দুধৰ্ষ আলফা সদস্য

এক গোপন সূত্ৰৰ ভিত্তিতেই তিনিচুকীয়া আৰক্ষী সহ 210 নং কোব্ৰা, 23 পাঞ্জাৱ ৰেজিমেন্ট, 21 পেৰা চিকিউৰিটি ফৰ্চে যুটীয়া অভিযানত আটক দুধৰ্ষ আলফা সদস্য ৷ জব্দ বহু পৰিমাণৰ অস্ত্ৰ-শস্ত্ৰ ৷

তিনিচুকীয়া, 12 অক্টোবৰঃতিনিচুকীয়াৰ ৰিতু কঠালগুৰিত চলোৱা অভিযানত আটক হ’ল এজন দুৰ্ধৰ্ষ আলফা সদস্য ৷ এক গোপন সূত্ৰৰ ভিত্তিতেই শুকুৰবাৰে দিনৰ 3 বজাত অভিযান চলাই এই সফলতা আৰক্ষীৰ ৷ বৰডুমছা থানাৰ অন্তৰ্গত ৰিতু কঠালগুৰিৰ পৰা তিনিচুকীয়া আৰক্ষী সহ 210 নং কোব্ৰা, 23 পাঞ্জাৱ ৰেজিমেন্ট, 21 পেৰা চিকিউৰিটি ফৰ্চে যুটীয়া অভিযানত আটত কৰে দুৰ্ধৰ্ষ আলফা সদস্যজনক ৷ আটকাধীন আলফা সদস্যজন মাকুম থানাৰ অন্তৰ্গত শুকানী গাঁৱৰ গিৰিন্দ্ৰ ফুকন ওৰফে ঋতুৰাজ অসম । আটকাধীন আলফা কেডাৰজনৰ পৰা এটা AK-81 ৰাইফল সহ দুটা মেগজিন আৰু 7.62 mm ৰ 60 জাই সজীৱ গুলী উদ্ধাৰ কৰিবলৈ সক্ষম হয় আৰক্ষীয়ে ৷