শদিয়া, 10 জানুৱাৰী : শদিয়া মহকুমাৰ ঘুমতিবিলত দেওবাৰে৩০ খন বিচনাযুক্ত এখন আদৰ্শ চিকিৎসালয়ৰ শুভ উদ্বোধন কৰে ৰাজ্যিক স্বাস্থ্য মন্ত্ৰী পিযুষ হাজৰিকাই ৷ স্থানীয় বিধায়ক বলিন চেতিয়া, সাংসদ প্ৰদান বৰুৱাক লগত লৈ মন্ত্ৰীজনে সংবাদমাধ্যমৰ আগত অসম জাতীয় দলক জাবৰৰ দল আৰু ৰাইজৰ দলক ৰাইজ নথকা দল বুলি কটাক্ষ কৰে ।
আগন্তুক ২০২১ৰ নিৰ্বাচনত কংগ্ৰেছৰ লগতে মূল যুঁজ হ‘ব আৰু বিজেপি দলে চৰকাৰ গঠন কৰিব তথা অসম জাতীয় দল আৰু ৰাইজৰ দলৰ প্ৰাৰ্থী সকলে আমানতৰ ধন হেৰুৱাব বুলি তাৎপৰ্যপূৰ্ণ মন্তব্য কৰে মন্ত্ৰী পিযুষ হাজৰিকাই । তদুপৰি ১২৬ নং শদিয়া বিধানসভা সমষ্টিত বলীন চেতিয়াই প্ৰাৰ্থীত্ব লাভ কৰিলে বিপুল ভোটত চতুৰ্থ বাৰৰ বাবে জয় লাভ কৰিব বুলিও ভাষ্য আগবঢ়ায় মন্ত্ৰীগৰাকীয়ে ।
শদিয়া ঘুমতিবিল আদৰ্শ চিকিৎসালয় উদ্বোধন মন্ত্ৰী পিযুষ হাজৰিকাৰ