জাগুনত ভয়ংকৰ পথ দুৰ্ঘটনা,নিহত কিশোৰী

কেনিয়া গাঁৱত ভয়ংকৰ পথ দুৰ্ঘটনা | ৱাগনাৰ বাহনে মহতিয়াই নিয়ে চাৰি গৰাকীকৈ কিশোৰীক | এজনী নিহত হোৱাৰ লগতে আহত হয় তিনি কিশোৰী ৷

মাৰ্ঘেৰিটা,2 নৱেম্বৰ:জাগুনৰ কেনিয়া গাঁৱত ভয়ংকৰ পথ দুৰ্ঘটনা । AS-23-Y-8508 নম্বৰৰ এখন মাৰুটি ৱাগনাৰ বাহনে চাৰি গৰাকীকৈ কিশোৰীক মহতিয়াই নিয়ে । কিশোৰীকেইজনীয়ে ফুটবল খেল চাই ঘৰলৈ উভতি অহাৰ পথতেই দুৰ্ঘটনাটো সংঘটিত হয় ৷ এজনী কিশোৰী নিহত হোৱাৰ লগতে আহত হয় তিনি কিশোৰী ৷ আটাইকেইগৰাকীকে চিকিৎসালয়লৈ প্ৰেৰণ কৰা হয় যদিও চিকিৎসালয়ত পল্লৱী বসুমতাৰীৰ মৃত্যু হয় ৷ আহত কিশোৰী কেইজনী ক্ৰমে পিংকি গগৈ,পৰী গগৈ,দীপলি গগৈ আৰু পল্লৱী বসুমতাৰী ৷

আনহাতে, দুৰ্ঘটনা সংঘটিত কৰা বাহনখন কেনিয়া গাঁৱৰ পূৰ্ণ বৰুৱাৰ পুত্ৰ বসন্ত বৰুৱাই চলাই আছিল যদিও জাগুনৰ জনৈক লাহন নামৰ এজন যুৱকৰ বুলি জানিব পৰা গৈছে । ইতিমধ্যে আৰক্ষীৰ লোক উপস্থিত হৈ বাহনখন জব্দ কৰি থানালৈ লৈ যায় ৷

লগতে পঢ়ক:উত্তৰ প্ৰদেশত পথ দুৰ্ঘটনাত নিহত ছগৰাকী