ডুমডুমা, 14 ফেব্ৰুৱাৰীঃচৌখামৰ পৰা আটক কৰা হ’ল ডুমডুমাৰ প্ৰসেনজিৎ গুহৰ হত্যাকাণ্ডৰ লগত জড়িত আন এজন অভিযুক্ত ৷ উল্লেখ্য যে, ২০১৯ চনৰ মাৰ্চ মাহত ডুমডুমাৰ এগৰাকী ক্ষুদ্ৰ ব্যৱসায়ী প্ৰসেনজিৎ গুহক অপহৰণ কৰাৰ পিছত হত্যা কৰি ডিগবৈ টিংৰাইৰ এখন পথাৰৰ মাজত পেলাই থৈ গৈছিল দুৰ্বৃত্তই ৷ হত্যাকাণ্ডটোৰ লগত জড়িত কিশান কয়া নামৰ এটা হত্যাকাৰীক আৰক্ষীয়ে আটক কৰিবলৈ সক্ষম হয় যদিও মধু তাছা নামৰ অন্য এটা হত্যাকাৰী পলাতক হৈ আছিল ৷ বৃহস্পতিবাৰে নিশা অৰুণাচল প্ৰদেশৰ চৌখামৰ পৰা ডুমডুমা আৰক্ষীয়ে আটক কৰিবলৈ সক্ষম হয় মধু তাছাক ৷
প্ৰসেনজিৎ গুহৰ হত্যাকাণ্ডৰ আন এক অভিযুক্ত আটক