পুৰুষ নথকা ঘৰত প্ৰবেশ কৰি ৰাইজৰ ৰোষত আৰক্ষীৰ গাড়ীচালক!

চালকজনে প্ৰায়ে মহিলা গৰাকীৰ ওচৰলৈ আহে ৷ ৰাইজে আগতেও চালকজনক আহিবলৈ বাধা প্ৰদান কৰিছিল যদিও ৰাইজলৈ ভ্ৰক্ষেপ কৰা নাছিল দিলিপ সিঙে ৷ বুধাবাৰে সুৰা পান কৰি অসংযত অৱস্থাত মহিলাগৰাকীৰ ঘৰত প্ৰৱেশ কৰাৰ সময়তে দুয়োকে আটক কৰে গাওঁবাসীয়ে ৷

শদিয়া, 2 অক্টোবৰঃকাকপথাৰ আৰক্ষী থানাৰ গাড়ী চালকে পুৰুষ নথকা এগৰাকী মহিলাৰ ঘৰত প্ৰৱেশ কৰাক লৈ উত্তপ্ত পৰিস্থিতিৰ সৃষ্টি হয় ৷ কাকপথাৰ আৰক্ষী থানাৰ গাড়ীচালক দিলিপ সিঙে স্বামী ঘৰত নথকাৰ সুযোগ গ্ৰহণ কৰি ব্যক্তি গৰাকীৰ ঘৰত সোমাবলৈ চেষ্টা কৰোতেই উত্তপ্ত পৰস্থিতিৰ সৃষ্টি হয় ৷ চেন্নাইত কৰ্মৰত স্বামী ঘৰত নথকাৰ সুযোগ গ্ৰহণ কৰিয়ে ঘৰত প্ৰৱেশ কৰে দিলিপ সিঙ ৷ যাৰ বাবে মাইথংবাসী ৰাইজে আৰক্ষীৰ গাড়ীচালক গৰাকীক গুৰুলাগুৰুলকৈ প্ৰহাৰ কৰি কাকপথাৰ আৰক্ষীক চমজাই দিয়ে ৷

ৰাইজৰ অভিযোগ অনুসৰি, চালকজনে প্ৰায়ে মহিলা গৰাকীৰ ওচৰলৈ আহে ৷ ৰাইজে আগতেও চালকজনক আহিবলৈ বাধা প্ৰদান কৰিছিল যদিও ৰাইজৰ বাধালৈ ভ্ৰক্ষেপ কৰা নাছিল দিলিপ সিঙে ৷ বুধাবাৰে সুৰা পান কৰি অসংযত অৱস্থাত মহিলাগৰাকীৰ ঘৰত প্ৰৱেশৰ সময়তে দুয়োকে আটক কৰে গাওঁবাসীয়ে ৷ প্ৰায় দুই ঘন্টা সময় উকলি যোৱাৰ পাছতো গাড়ীচালক গৰাকীক ৰাইজৰ হাতৰ পৰা উদ্ধাৰ কৰিবলৈ সক্ষম হোৱা নাই আৰক্ষীয়ে ৷