ফিল'বাৰীৰ ৰূপজানত পথ দুৰ্ঘটনাঃ নিহত 1

বুধবাৰে ডুমডুমা-ফিল'বাৰী সংযোগী পথৰ ৰূপজান তিনিআলিত পথ দুৰ্ঘটনা হৈ থিতাতে নিহত হয় এজন শিক্ষক ৷ উত্তেজিত ৰাইজে দুৰ্ঘটনাস্থলীতে বাইকখন জ্বলাই দিয়ে ।

তিনিচুকীয়া,24এপ্ৰিলঃ তিনিচুকীয়াৰ ডুমডুমা-ফিল'বাৰী সংযোগী পথৰ ৰূপজান তিনিআলিত বুধবাৰে এক পথ দুৰ্ঘটনা সংঘটিত হয় । চাইকেলেৰে নিজা বাসগৃহ অভিমুখে গৈ থকা দশৰথ তিৱাৰী (৬৫) নামৰ লোকজনক সন্মুখৰ পৰা এখন বাইকে প্ৰচণ্ড জোৰেৰে খুন্দা মৰাত লোকজন থিতাতে নিহত হয়। নিহত লোকজন সোনজান প্ৰাথমিক বিদ্যালয়ৰ প্ৰধান শিক্ষক দশৰথ তিৱাৰী বুলি জানিব পৰা গৈছে ।

ইপিনে উত্তেজিত ৰাইজে দুৰ্ঘটনাস্থলীতে আৰক্ষীৰ সন্মুখতে দুৰ্ঘটনা সংঘটিত কৰা AS-23W-1127 নম্বৰৰ বাইকখন জ্বলাই দিয়াৰ লগতে বহু সময় ডুমডুমা-ফিল'বাৰী সংযোগী পথ অৱৰোধ কৰি ৰাখে। ফিল'বাৰী আৰক্ষীয়ে বাইক আৰোহী কেইজনক আটক কৰি নিহত শিক্ষকজনৰ মৃতদেহ মৰণোত্তৰ পৰীক্ষাৰ বাবে তিনিচুকীয়ালৈ প্ৰেৰণ কৰে ৷