তিনিচুকীয়া,26মাৰ্চ: মটক জনগোষ্ঠীয় ৰাইজক বিজেপিৰ মিত্রজোঁটৰ প্ৰাৰ্থীক ভোট দি জয়যুক্ত কৰাবলৈ আহ্বান মটক স্বায়ত্ত পৰিষদৰ । তিনিচুকীয়াত এখন সংবাদ মেলৰ জৰিয়তে এই আহ্বান জনায় মটক স্বায়ত্ত শাসিত পৰিষদৰ অধ্যক্ষ সুৰজ গোহাঁইৰ লগতে অন্যান্য নেতৃবৃন্দই । মটক জনগোষ্ঠীৰ দীৰ্ঘদিনিয়া দাবী মটক জনগোষ্ঠীক স্বায়ত্ত শাসন প্ৰদান কৰা, এই দাবীটো বিগত কোনো এখন চৰকাৰেই গুৰুত্ব দিয়া নাছিল কিন্তু বিজেপি মিত্ৰজোঁট চৰকাৰে মটক জনগোষ্ঠীক সন্মান জনাই স্বায়ত্ত শাসন প্ৰদান কৰে । লগতে মটক জনগোষ্ঠীৰ অন্য এটা গুৰুত্বপূৰ্ণ দাবী জনজাতিকৰণ প্ৰদান কৰা ।
বিজেপিৰ মিত্রজোঁটৰ প্ৰাৰ্থীক ভোট দিব লৈ আহ্বান মটক স্বায়ত্ত পৰিষদৰ
এই দাবীটোও অহা ২০২৫ চনৰ ভিতৰত মটক জনগোষ্ঠীক জনজাতিকৰণ কৰাৰ প্ৰতিশ্ৰুতি প্ৰদান কৰিছে আৰু বিজেপি চৰকাৰৰ ৫ বছৰীয়া শাসন কালত মটক জনগোষ্ঠীৰ বাবে ১২৫ কোটি টকা বিশেষ পেকেজ প্ৰদান কৰি মটক জনগোষ্ঠীক সন্মান প্ৰদান কৰিছে বুলি মন্তব্য কৰে।