ডিৰাক চুমনি বান্ধ পৰিদৰ্শন মন্ত্ৰী কেশৱ মহন্তৰ

দেওবাৰে বিয়লি ছয় বজাত স্থানীয় বিধায়ক বলীন চেতিয়া আৰু বিভাগীয় বিষয়া-কৰ্মচাৰীক লগত লৈ মন্ত্ৰীগৰাকীয়ে মথাউৰিটোৰ গৰাখহনীয়া ৰোধৰ কাম বিজ্ঞানসন্মতভাৱে সোমবাৰৰ পৰা আৰম্ভ কৰিবলৈ বিভাগটোক নিৰ্দেশ দিয়ে ৷

শদিয়া, 2 মে’: তিনিচুকীয়া জিলাৰ কাকপথাৰৰ ডিৰাক চোমনি মথাউৰি পৰিদৰ্শন কৰে জলসম্পদ মন্ত্ৰী কেশৱ মহন্তই ৷ দেওবাৰে বিয়লি ছয় বজাত স্থানীয় বিধায়ক বলীন চেতিয়া আৰু বিভাগীয় বিষয়া-কৰ্মচাৰীক লগত লৈ মন্ত্ৰীগৰাকীয়ে মথাউৰিটোৰ গৰাখহনীয়া ৰোধৰ কাম বিজ্ঞানসন্মতভাৱে সোমবাৰৰ পৰা আৰম্ভ কৰিবলৈ বিভাগটোক নিৰ্দেশ দিয়ে ৷

মুখ্যমন্ত্ৰীৰ নিৰ্দেশ অনুসৰি মন্ত্ৰীগৰাকী উপস্থিত হৈ সোমবাৰৰ পৰা আৰম্ভ হ'বলগীয়া কামৰ বাবে ইতিমধ্যে যাৱতীয় সামগ্ৰী আহি পাইছে বুলি সাংবাদিকৰ আগত জানিবলৈ দিয়ে ৷ বিগত সময়ত মথাউৰিটো নিৰ্মাণৰ বাবে অহা ধন সদ্ব্যৱহাৰ নকৰা সন্দৰ্ভত সাংবাদিকে সোধা প্ৰশ্নৰ উত্তৰত মন্ত্ৰী কেশৱ মহন্তই উপযুক্ত প্ৰমাণ পালে দোষী ব্যক্তিৰ বিৰুদ্ধে ব্যৱস্থা লোৱাৰ আশ্বাস দিয়ে ৷

উল্লেখ্য যে যোৱা ২ মে’ত ডিৰাক চোমনি পুৰণি মথাউৰিটো চিঙি অঞ্চলটো প্লাবিত হোৱাত প্ৰায় 45 টা পৰিয়ালৰ বিস্তৰ ক্ষতিসাধন হৈছিল ৷