ডুমডুমাত পালন আৰ্ন্তজাতিক নাৰী দিৱস

সমাজ-সংস্কৃতিলৈ অৱদান আগবঢোৱা বহুকেইগৰাকী নাৰীক সম্বৰ্ধনা জ্ঞাপন

তিনচুকীয়া,৮ মাৰ্চ:আজি সমগ্ৰ বিশ্বজুৰি উদযাপিত হৈছে আন্ত:ৰ্জাতিক নাৰী দিৱস । ইয়াৰ সমান্তৰালকৈ ডুমডুমা মহিলা সমিতিৰ উদ্যোগত দিনযোৰা কাৰ্যসূচীৰে ডুমডুমাতো পালন কৰা হয় নাৰী দিৱস ।

ডুমডুমা মহিলা সমিতিৰ সভানেত্ৰী ববী বড়াৰ সঞ্চালনাত অনুষ্ঠিত হোৱা সভাত বিশিষ্ট বক্তা হিচাপে সাহিত্যিক ড: ৰঞ্জিত দত্ত,তিনিচুকীয়া জিলা মহিলা সমিতিৰ সভানেত্ৰী অলকানন্দা শ্ৰীকুমাৰী কাকতি, সম্পাদিকা ৰুণু বৰঠাকুৰ বৰুৱাৰ লগতে উপস্থিত থাকে অঞ্চলটোৰ বহুসংখ্যক মহিলা । এই সভাতে আন্ত:ৰ্জাতিক নাৰী দিৱসৰ লগত সংগতি ৰাখি সমাজ-সংস্কৃতিলৈ অৱদান আগবঢোৱা ডুমডুমা অঞ্চলৰ বহুকেইগৰাকী সফল নাৰীক সম্বৰ্ধনা জনোৱা হয় ।