তিনিচুকীয়া,27 মে’ : তিনিচুকীয়াৰ দহোতীয়াচুক আৰু ককৰাতলী গাঁৱত বুধবাৰে নিশা পৃথকে পৃথকে অভিযান চলাই নিচাযুক্ত দ্ৰব্য জব্দ কৰিছে আৰক্ষীয়ে ৷ এক গোপন সূত্ৰৰ পম খেদি তিনিচুকীয়া আৰক্ষী প্ৰশাসনৰ উপ আৰক্ষী অধীক্ষক দীপক তামুলী আৰু উপ পৰিদৰ্শক ভাস্কৰজ্যোতি ফুকনৰ নেতৃত্বত চলা অভিযানত গাঞ্জা জব্দ কৰাৰ লগতে আটক কৰা হয় দুজন লোকক ৷
গাঞ্জাসহ আটক দুজন
ককৰাতলী গাঁৱৰ নিবাসী কৃষ্ণ দাসৰ বাসগৃহত তালাচী চলাই আৰক্ষীয়ে 2 কেজি ওজনৰ গাঞ্জা জব্দ কৰে । ইয়াৰ লগতে কৃষ্ণ দাসৰ ঘৰত গাঞ্জা সেৱন কৰি থকা অৱস্থাত দহোতীয়াচুক গাঁৱৰ নিবাসী বিকি দাসক আটক কৰে ।