গুৱাহাটী, 8 আগষ্টঃকংগ্ৰেছত খহনীয়া ৷ ৰাজ্যিক বিজেপিৰ উপ সভাপতি ড0 প্ৰদীপ ঠাকুৰীয়া, বিজেপিৰ সদস্যতা অভিযানৰ আহ্বায়ক বিজয় গুপ্তা, সাধাৰণ সম্পাদক পুলক গোহাঁইৰ উপস্থিতিত তিনিচুকীয়াৰ প্ৰাক্তন কংগ্ৰেছী বিধায়ক ৰাজেন্দ্ৰ প্ৰসাদ সিঙৰ বিজেপিত যোগদান ৷ তিনিচুকীয়া সমষ্টিত তিনিবাৰকৈ কংগ্ৰেছ দলৰ বিধায়ক আছিল সিং ৷ বিজেপিৰ হেঙেৰাবাৰীস্থিত মুখ্য কাৰ্যালয়ত যোগদান সিঙৰ ৷ তিনিচুকীয়া কংগ্ৰেছৰ উপ সভাপতিকে ধৰি কেইবাগৰাকী কংগ্ৰেছ কৰ্মীৰ বিজেপিত যোগদান ৷
বিজেপিত যোগদান প্ৰাক্তন কংগ্ৰেছী বিধায়ক ৰাজেন্দ্ৰ প্ৰসাদ সিঙৰ নৰেন্দ্ৰ মোডীৰ কাৰ্যকালত দেশৰ প্ৰগতি হৈছে ৷ তিনি তালাক বাতিল আৰু 370 অনুচ্ছেদ প্ৰত্যাহাৰৰ সিদ্ধান্তত আকৃষ্ট হোৱাৰ লগতে জৱাহৰলাল নেহৰুৱে কৰিব নোৱাৰা কাম ছোনিয়া গান্ধী-ৰাহুল গান্ধীয়ে সুযোগ লাভ কৰিও কৰিব নোৱাৰিলে বুলি উল্লেখ কৰি বিজেপিত যোগদান কৰে ৰাজেন্দ্ৰ প্ৰসাদ সিঙে ৷ দেশৰ দৰিদ্ৰতাৰ বাবে দায়ী কংগ্ৰেছ দল ৷ 15 বছৰ কংগ্ৰেছৰ বিধায়ক হৈ মুখ্যমন্ত্ৰীৰ পৰা যি মৰম পোৱা নাছিলো, যোগদানৰ বাবে আহোঁতেই সেই মৰম মুখ্যমন্ত্ৰী সৰ্বানন্দ সোণোৱালৰ পৰা পাইছো ৷ কংগ্ৰেছক তালাক দি আহিছো বুলিও প্ৰকাশ কৰে ৰাজেন্দ্ৰ প্ৰসাদ সিঙে ৷ উল্লেখ্য যে, ২০০১ চনৰ পৰা ২০১৬ চনৰ লৈকে তিনিবাৰকৈ তিনিচুকীয়াৰ বিধায়ক হিচাপে নিৰ্বাচিত হৈছিল ৰাজেন্দ্ৰ প্ৰসাদ সিং। ২০১৬ চনত ৰাজেন্দ্ৰ প্ৰসাদ সিঙক পৰাজিত কৰিছিল সঞ্জয় কিষাণে।
