ডুমডুমা-বৰহাপজান-ৰূপাইত 37 নং ৰাষ্ট্ৰীয় ঘাইপথৰ বিধ্বস্ত ৰূপ

এবছৰৰো অধিক কাল ধৰি বৰহাপজানৰ পৰা ডুমডুমা, ৰূপাই হৈ তালাপলৈ যোৱা প্ৰায় 18 কিলোমিটাৰ 37 নং ৰাষ্ট্ৰীয় পথছোৱাৰ বিধ্বস্ত অৱস্থাৰ বাবে দুৰ্ভোগ ভুগি আহিছে জনসাধাৰণে ।

ডুমডুমা, ১৫ জুলাই:ৰাজ্যখনৰ শদিয়াৰ পৰা ধুবুৰীলৈকে ৰাষ্ট্ৰীয় ঘাইপথৰ বিধস্ত অৱস্থাই সৰ্বসাধাৰণ ৰাইজক জীয়াতু ভুগাইছে । এবছৰৰো অধিক কাল ধৰি বৰহাপজানৰ পৰা ডুমডুমা, ৰূপাই হৈ তালাপলৈ যোৱা প্ৰায় ১৮ কিলোমিটাৰ ৩৭ নং ৰাষ্ট্ৰীয় পথছোৱাৰ বিধ্বস্ত অৱস্থাৰ বাবে দুৰ্ভোগ ভুগি আহিছে জনসাধাৰণে ।
পথছোৱাত বৃহৎ বৃহৎ গাঁতৰ সৃষ্টি হৈ যাতায়ত ব্যাহত হোৱাৰ লগতে বিগত কেইবাদিনো ধৰি হৈ থকা বৰষুণৰ ফলত পথৰ পৰিৱৰ্তে পুখুৰীৰ ৰূপ লৈছে ৰাষ্ট্ৰীয় ঘাইপথটোৱে । ইপিনে যান-বাহন সমূহে পানী ফালি বিপদসংকুলভাৱে অহা-যোৱা কৰাৰ ফলত বহুকেইটা সৰু-বৰ দুৰ্ঘটনাও সংঘটিত হৈছে । পথছোৱাৰ এনে অৱস্থাৰ ফলত পথচাৰীৰ লগতে বিদ্যালয়-মহাবিদ্যালয় সমূহৰ ছাত্ৰ-ছাত্ৰী সকলেও দুৰ্ভোগ ভুগি আহিছে । আনহাতে অঞ্চলটোৰ কেইবাটাও জাতি-জনগোষ্ঠীয় দল-সংগঠনে এই ৰাষ্ট্ৰীয় পথ শীঘ্ৰেই নিৰ্মাণৰ দাবী জনায় আহিছে যদিও চৰকাৰ তথা ৰাজ্যৰ গড়কাপ্তানী বিভাগে কোনো গুৰুত্ব প্ৰদান কৰা নাই বুলি কেইবাটাও দল-সংগঠনে অভিযোগ উত্থাপিত কৰিছে ।