মাৰ্ঘেৰিটা, 11 অক্টোবৰঃ দুদিনীয়া ভ্ৰমণসূচীৰে মাৰ্ঘেৰিটাত উপস্থিত ভাৰত চৰকাৰৰ কেন্দ্ৰীয় কয়লা মন্ত্ৰী প্ৰহ্লাদ যোশী ৷ বৃহস্পতিবাৰে উক্ত ভ্ৰমণসূচীৰ প্ৰথম দিনটোতে কেন্দ্ৰীয় মন্ত্ৰীগৰাকীয়ে জয়ৰামপুৰত উপস্থিত হৈ এক অনুষ্ঠানত অংশগ্ৰহণ কৰে ৷ এই অনুষ্ঠানতে প্ৰহ্লাদ যোশীয়ে ক'ল ইণ্ডিয়াৰ তৰফৰ পৰা চি এচ আৰৰ অধীনত কেইবাটাও আঁচনি ঘোষণা কৰে ৷
নগাঁৱৰ সাংসদ প্ৰদ্যুত বৰদলৈয়ে উত্থাপন কৰা কয়লা চিণ্ডিকেট সন্দৰ্ভত তেখেতে মন্তব্য কৰি কয় যে, তেওঁৰ হাতত থকা তথ্য দাখিল কৰিলে প্ৰয়োজনীয় ব্যৱস্থা হাতত লোৱা হ'ব । লগতে তেখেতে উত্তৰ পূব কয়লা ক্ষেত্ৰ বন্ধৰ কোনো সম্ভাৱনীয়তা নাই বুলিও ব্যক্ত কৰে ৷ বুধবাৰে কেন্দ্ৰীয় মন্ত্ৰীগৰাকীক সংগ দিয়ে খাদ্য সংশাধনৰ ৰাজ্যিক মন্ত্ৰী ৰামেশ্বৰ তেলী আৰু মাৰ্ঘেৰিটাৰ বিধায়ক ভাস্কৰ শৰ্মাই ৷
উল্লেখ্য যে, শুক্ৰবাৰে ক'ল ইণ্ডিয়াৰ বিষয়ববীয়াৰ সৈতে এক আলোচনাত মিলিত হ’ব কেন্দ্ৰীয় মন্ত্ৰীগৰাকী ৷