ধুবুৰী, 18 ছেপ্তেম্বৰ :কৰ'ণা মহামাৰীৰ সময়ত সকলোকে মাস্ক পৰিধান কৰি সামাজিক দূৰত্ব মানি চলিবলৈ চৰকাৰে কঠোৰ নিৰ্দেশনা প্ৰদান কৰিছে কিন্তু সামাজিক দূৰত্ব তথা ক'ভিড প্ৰট'কলক ধোৱা চাঙত তুলি দক্ষিণ শালমাৰাৰ এটা আধাৰকাৰ্ড কেন্দ্ৰত গ্ৰাহকৰ অভাৱনীয় ভিৰ হোৱা পৰিলক্ষিত হৈছে ৷
দক্ষিণ শালমাৰাত আধাৰকাৰ্ডৰ নামত ক'ভিড প্ৰট'কল ভংগ
অভিযোগ অনুসৰি,দক্ষিণ শালমাৰা খণ্ড উন্নয়ন বিষয়াৰ অস্থায়ী কাৰ্যালয়ত বিতৰণ কৰি আছে আধাৰকাৰ্ডৰ ফৰ্ম কিন্তু এই ফৰ্মৰ কাৰণে ৰাইজে ভীষণ হাৰাশাস্তিৰ সম্মুখীন হ'বলগীয়া হৈছে । কাৰ্যালয়টোৰ পৰা যিমান খিনি ফৰ্ম দিয়ে সেই ফৰ্মৰ তুলনাত ৰাইজৰ ভিৰ যথেষ্ট হোৱা পৰিলক্ষিত হৈছে ৷ ৰাতিপুৱাৰ পৰাই বহুলোকে শাৰীত থিয় হৈ থকাৰ পিচতো ফৰ্ম নাপাই উভতি যাবলগীয়া হৈছে ৷ যাৰ বাবে ভুক্তভোগী গ্ৰাহকে আধাৰকাৰ্ডৰ চেন্টাৰ বৃদ্ধি কৰিবৰ বাবে অনুৰোধ জনাইছে ৷