তেজপুৰ, 8 জানুৱাৰীঃ শোণিতপুৰ জিলাত 2018 বৰ্ষৰ তুলনাত হ্ৰাস পাইছে দুৰ্ঘটনাৰ সংখ্যা ৷ 2018 বৰ্ষত জিলাখনত সংঘটিত হৈছিল 398 টাকৈ দুৰ্ঘটনা য'ত 113 গৰাকী লোক নিহত হোৱাৰ বিপৰীতে আহত হৈছিল 280 গৰাকী লোক ৷ কিন্তু 2019 বৰ্ষত এই সংখ্যা কিছু হ্ৰাস পায় ৷ বিগত বৰ্ষত জিলাখনত সংঘটিত হয় 393 টা দুৰ্ঘটনা যিটো সংখ্যা পূৰ্বৱৰ্তী বৰ্ষতকৈ মাত্ৰ পাঁচটা কম ৷ অৱশ্যে 2019 বৰ্ষত পথ দুৰ্ঘটনাত আহত লোকৰ সংখ্যা হ্ৰাস হৈ 240 গৰাকী হোৱাৰ বিপৰীতে মৃত্যুৰ সংখ্যা বৃদ্ধি পায় ৷ 2019 বৰ্ষত জিলাখনত সংঘটিত হোৱা 393 টা দুৰ্ঘটনাত নিহত হয় সৰ্বমুঠ 141 গৰাকী লোক ৷
জিলা পৰিবহন বিষয়া উমেশ শৰ্মাই ইটিভি ভাৰতৰ আগত প্ৰকাশ কৰিছে এই তথ্য ৷ বিষয়াগৰাকীয়ে প্ৰকাশ কৰা অনুসৰি,পূৰ্বৰ তুলনাত পৰিবহন বিভাগ যথেষ্ট সজাগ হৈছে ৷ পথ সজাগতাৰ বাবে মহাবিদ্যালয়,বিদ্যালয়ৰ লগতে বিভিন্ন সময়ত বিভাগে ব্যৱস্থা গ্ৰহণ কৰি আহিছে ৷ চালকৰ প্ৰমাণ-পত্ৰৰ লগতে অনুজ্ঞাপত্ৰ প্ৰদানৰ ক্ষেত্ৰটো যথাযত পথ সুৰক্ষা ব্যৱস্থাৱলীক অগ্ৰাধিকাৰ দিয়া হৈছে বুলি বিষয়াগৰাকীয়ে ইটিভি ভাৰতৰ আগত প্ৰকাশ কৰে ৷