বানৰ প্ৰকোপঃ তেজপুৰৰ বানত এজনৰ মৃত্যু

পথাৰলৈ কঁঠিয়া আনিবলৈ যোৱাৰ সময়তে হঠাৎ এটা জানৰ দ অংশত সোমাই পৰে লোকজন ৷

তেজপুৰ,১৫ জুলাইঃ তেজপুৰ চহৰৰ নিকটৱৰ্ত্তী মিলনপুৰত অঘটন ৷ সোমবাৰে বাঢ়নীপানীত পৰি মৃত্যু হয় এজন লোকৰ ৷ মৃত লোকজন শইকীয়া চুবুৰীৰ শৰৎ শইকীয়া বুলি জানিব পৰা গৈছে ৷ পথাৰলৈ কঁঠিয়া আনিবলৈ যোৱাৰ সময়তে হঠাৎ এটা জানৰ দ অংশত সোমাই পৰে লোকজন ৷ পিছত স্থানীয় লোকৰ তৎপৰতাত লোকজনৰ মৃতদেহ উদ্ধাৰ কৰা হয় ৷ বাঢ়নী পানীৰ ফলত জান-জুৰি সকলো একাকাৰ হৈ পৰাৰ ফলতে লোকজনৰ মৃত্যু হয় ৷