আৰ্থিক দীনতাৰ মাজতো উজলিল জামুগুৰিহাটৰ নিলাক্ষী

প্ৰবল ইচ্ছা শক্তি থাকিলে দৰিদ্ৰতা কেতিয়াও যিকোনো কামত হেঙাৰ হ'ব নোৱাৰে ৷ তাকেই যেন প্ৰমাণ কৰি দেখুৱালে শোণিতপুৰ জিলাৰ চতিয়া সমষ্টিৰ জামুগুৰিহাটৰ মৰনাকুৰি গাঁৱৰ মেধাৱী ছাত্ৰী নিলাক্ষী বৰাই ।

চতিয়া, 8 জুনঃ জামুগুৰি আদৰ্শ উচ্চ মাধ্যমিক বিদ্যালয়ত অধ্যয়নৰত ছাত্ৰী নিলাক্ষী বৰাই, হাইস্কুল শিক্ষান্ত পৰীক্ষাৰ ফলাফলত আটাইকেইটা বিষয়তে লেটাৰসহ 87.8 শতাংশ নম্বৰেৰে ডিষ্টিংশ্যন পাই উত্তীৰ্ণ হ'বলৈ সক্ষম হৈছে ৷

ছাগলী পালন আৰু বিক্ৰী কৰা পৰিয়াল পোহপাল দিয়াৰ লগতে, ছাত্ৰী গৰাকীৰ পিতৃয়ে বহু কষ্টৰে পঢ়োৱা নিজ জীয়ৰীৰ সফলতাত গৌৰৱাম্বিত হোৱাৰ লগতে, বিদ্যালয় কৰ্তৃপক্ষও নিলাক্ষীৰ সফলতাক লৈ উৎফুল্লিত হৈ পৰিছে ৷

লগতে পঢ়কঃদৰিদ্ৰতাক নেওচি সৰ্বোচ্চ নম্বৰেৰে শীৰ্ষত বৰ্ণালী দেৱী