অৱশেষত ৰঙাপৰাৰ কৃষক ৰাইজৰ মুখত বিৰিঙিল হাঁহি

শোণিতপুৰ জিলাৰ ভিন্ন প্ৰান্তৰ লগতে ৰঙাপৰা, মিছামাৰী, বালিপৰা, চাৰিদুৱাৰ আদি ঠাইত বিগত কেইবাদিনো ধৰি হোৱা মুষলধাৰ বৰষুণে কৃষি ভূমি পানীৰে ওপচাই পেলোৱাৰ বাবে কৃষকৰ মুখত হাঁহি বিৰিঙি উঠিছে । জিলাখনৰ ৰঙাপৰাত ট্ৰেক্টৰ-গৰুৱে দি হাল বাই কঠীয়া সিঁচাৰ বাবে তৎপৰ হৈ পৰা দেখা গ'ল কৃষকক ৷

ৰঙাপৰা,28মে': অৱশেষত বৰষুণে ৰঙাপৰাত কৃষক ৰাইজৰ মুখলৈ আনিছে হাঁহি৷ কাৰণ পথাৰত এতিয়া খেতিৰ বাবে ভৰপূৰ হৈ পৰিছে পানী ৷ কৰ'ণা ভাইৰাছে মানৱ জাতিলৈ দুৰ্যোগ নমাই অনাৰ সময়তে ৰাজ্যৰ একাংশ ঠাইত বৰষুণ নোহোৱাৰ ফলত পথাৰত কঠীয়া সিঁচিব নোৱাৰি সৃষ্টি হৈছিল হাহাকাৰ পৰিস্থিতিৰ ৷ শোণিতপুৰ জিলাৰ ভিন্ন প্ৰান্তৰ লগতে ৰঙাপৰা, মিছামাৰী, বালিপৰা, চাৰিদুৱাৰ আদি ঠাইত বিগত কেইবাদিনো ধৰি হোৱা মুষলধাৰ বৰষুণে কৃষিভূমি পানীৰে ওপচাই পেলোৱাৰ বাবে কৃষকৰ মুখত হাঁহি বিৰিঙি উঠিছে । জিলাখনৰ ৰঙাপৰাত টেক্টৰ-গৰুৱে দি হাল বাই কঠীয়া সিঁচাৰ বাবে তৎপৰ হৈ পৰা দেখা গ'ল কৃষকক ৷ ইপিনে চৰকাৰৰ পৰা কৃষি-কৰ্মৰ বাবে কোনোধৰণৰ সহায় নোপোৱাৰ অভিযোগ একাংশ কৃষকৰ ৷

উল্লেখযোগ্য যে, লক ডাউন প্ৰক্ৰিয়া চৰকাৰখনে কিছু শিথিলতা কৰাৰ পিচত কৃষক ৰাইজে কৃষিকৰ্ম কৰিবলৈ পথাৰত নামিছিল যদিও পানীৰ অভাৱৰ বাবে থমকি ৰ'বলগীয়া হৈছিল ৷গোলকীয় উষ্ণতা বৃদ্ধি পোৱাৰ ফলত পূৰ্বতকৈ বৰষুণ ক্ৰমান্বয়ে হ্ৰাস পোৱাৰ ফলত অধিকাংশ কৃষকে যথা সময়ত কঠিয়া সিঁচিব পৰা নাছিল।

অৱশেষত ৰঙাপৰাৰ কৃষক ৰাইজৰ মুখত বিৰিঙিল হাঁহি

লগতে পঢ়কঃকিমান সুৰক্ষিত গেৰুকামুখৰ প্ৰস্তাৱিত নদীবান্ধ !