মহাভৈৰৱত প্ৰিয়ংকা গান্ধীৰ ৰুদ্ৰ অভিষেক পূজাত বিলম্ব

জ্যোতিষীয়ে পূজা কৰাৰ লগ্ন নিমিলা বুলি কোৱাৰ বাবেই কংগ্ৰেছ নেত্ৰী প্ৰিয়ংকা গান্ধীয়ে ১১ৰ পৰা ১২ বজাৰ ভিতৰত কৰিবলগীয়া পূজা সমাপন কৰিলে বিয়লি তিনি বজাত ৷ ৰুদ্ৰ অভিষেক পূজা কৰাৰ বাবে ফুল নৈবদ্যকে ধৰি সকলো পূজাৰ সামগ্ৰী সজাই ৰখা হৈছিল যদিও হজৰাপাৰৰ বিশাল সমাবেশত অংশ গ্ৰহন কৰাৰ পাছতহে পূজাত অংশ গ্ৰহণ কৰে কংগ্ৰেছ নেত্ৰী গৰাকীয়ে ৷

তেজপুৰ,২ মাৰ্চ: বিশ্বনাথৰ প্ৰতাপগড় চাহ বাগিচাৰ শ্ৰমিকৰ সৈতে কংগ্ৰেছ নেত্ৰী প্ৰিয়ংকা গান্ধীৰ অন্তৰংগ মূহূৰ্তৰ বহু ছবিয়ে অসমৰ ৰাইজৰ হৃদয় জিনাৰ সময়তে মহাভৈৰৱ মন্দিৰত প্ৰিয়ংকা গান্ধীৰ ৰুদ্ৰ অভিষেক পূজাত ঘটিল বিলম্ব ৷ জ্যোতিষীয়ে পূজা কৰাৰ লগ্ন নিমিলা বুলি কোৱাৰ বাবেই ১১ৰ পৰা ১২ বজাৰ ভিতৰত কৰিবলগীয়া পূজা সমাপন কৰিলে বিয়লি তিনি বজাত ৷ ৰুদ্ৰ অভিষেক পূজা কৰাৰ বাবে ফুল নৈবদ্যকে ধৰি সকলো পূজাৰ সামগ্ৰী সজাই ৰখা হৈছিল যদিও হজৰাপাৰৰ বিশাল সমাবেশত অংশ গ্ৰহন কৰাৰ পাছতহে পূজাত অংশ গ্ৰহণ কৰে ৷

ইফালে এই কথা সাংবাদিকৰ আগত প্ৰকাশ কৰিলে সাংসদ প্ৰদ্যুৎ বৰদলৈয়ে ৷ বৰদলৈয়ে কয় যে, জ্যোতিষ শাস্ত্ৰ মানি চলা নিখিল ভাৰত কংগ্ৰেছ সমিতিৰ সাধাৰণ সম্পাদিকা প্ৰিয়ংকা গান্ধীয়ে গণনা কৰাৰ সময় অনুসৰিহে পূজা কৰে ৷ গতিকে প্ৰিয়ংকা গান্ধীয়ে মহাভৈৰৱ মন্দিৰত বিয়লি তিনি বজাতহে পূজা সমাপন কৰি তেজপুৰ বিমানবন্দৰ পৰা দিল্লীলৈ উভতি যায় ৷

লগতে পঢ়ক:চামেলীহঁতৰ সৈতে ফল-মূল আৰু ৰঙা চাহৰ সোৱাদ ল'লে প্ৰিয়ংকাই