তেজপুৰ, ১ ডিচেম্বৰ :এইবাৰ অপৰাধী নহয়, আৰক্ষীৰ জালত পৰিছে স্বয়ং খাকী পোচাকধাৰী ৷ পুনৰ এবাৰ খাকী পোচাকত কালিমাসানিলে তেজপুৰ চহৰৰ বৰঘাত আৰক্ষীৰ এগৰাকী কৰ্তব্যৰত আৰক্ষীয়ে ৷ ‘‘লোভেই পাপ, পাপেই মৃত্যু’’ - এই আপ্তবাক্যশাৰীয়েই যেন ফলিয়াইছে বৰঘাত আৰক্ষীৰ এইগৰাকী কনিষ্টবলৰ ক্ষেত্ৰত ৷ অভিযুক্ত আৰক্ষী কনিষ্টবলগৰাকীৰ নাম দেৱব্ৰত বিশ্বাস ৷
অভিযোগ অনুসৰি, বুধবাৰে সাধাৰণ এটা গোচৰ নিষ্পত্তি কৰিবলৈ এজন গুচৰীয়াৰ পৰা তিনি হাজাৰ টকাৰ দাবী কৰিছিল অভিযুক্ত কনিষ্টবল দেৱব্ৰত বিশ্বাসে (Police constable demanding bribe from petitioner) ৷ পৰৱৰ্তী সময়ত দাবী কৰা সেই ধন লৈ থকাৰ অৱস্থাতে আৰক্ষীৰ অপৰাধ নিৰ্মূল শাখাই বৰঘাত আৰক্ষী চকীতে হাতে-লোটে আটক কৰে খাকী পোচাকধাৰী দেৱব্ৰত বিশ্বাসক (Assam police constable caught red handed taking bribe) ৷ স্বয়ং খাকী পোচাকধাৰী গৰাকীৰ এনে নিলজ্জ কাণ্ডক কেন্দ্ৰ কৰি অঞ্চলটোত বিৰাজ কৰিছে তীব্ৰ চাঞ্চল্যই ৷
লোভেই পাপ পাপেই মৃত্যু: থানাৰ ল’কআপত কনিষ্টবল বিশ্বাস জানিব পৰা মতে, অভিযুক্ত কনিষ্টবল দেৱব্ৰত বিশ্বাসৰ দ্ৰয়াৰৰ পৰা 14 টুকুৰা সোণ জব্দ কৰিছে আৰক্ষীৰ অপৰাধ নিৰ্মূল শাখাই (Crime Brance of Assam Police) ৷ যাৰ বজাৰ মূল্য কেইবা লক্ষাধিক টকা হ’ব বুলি অনুমান কৰা হৈছে ৷ কিন্তু এতিয়া প্ৰশ্ন হয়, সৰিঁয়হৰ ডুলিতে ভূত ওলোৱাৰ দৰে কেনেকৈ অভিযুক্ত কনিষ্টবল গৰাকীয়ে থানাতে মজুত ৰাখিছিল সোণৰ টুকুৰাকেইটা ? কনিষ্টবল দেৱব্ৰত বিশ্বাসৰ শিৰত আছে নেকি আৰক্ষীৰ কোনো শীৰ্ষ বিষয়াৰ কৃপা !
শোণিতপুৰৰ আৰক্ষী অধীক্ষক ডাঃ ধনঞ্জয় ঘনাৱাতে (Sonitpur Superintendent of police Dr Dhananjay Ghanwat IPS) উল্লেখ কৰা অনুসৰি, জিলাৰ অতিৰিক্ত আৰক্ষী অধীক্ষকৰ নেতৃত্বত এটা দলে ইতিমধ্যে এই বিষয়ে আৰম্ভ কৰিছে তদন্ত ৷ লগতে তেওঁ কয় যে, পূৰ্বেও এইগৰাকী আৰক্ষী কনিষ্টবলৰ বিৰুদ্ধে কেইবাটাও অভিযোগ উত্থাপিত হৈছিল ৷ সেই বিষয়েও শোণিতপুৰৰ আৰক্ষীয়ে আৰম্ভ কৰিছে তদন্ত প্ৰক্ৰিয়া ৷
লগতে পঢ়ক :আৰক্ষীৰ পোচাকত চেকা; আবকাৰী অধীক্ষক হিমানজ্যোতি বৰাৰ বাসগৃহত তালাচী
