অৰুণাচল প্ৰদেশৰ ছিজুচাত ‘পাকে পাগা’ উৎসৱ

‘পাকে পাগা’ পাকে টাইগাৰ ৰিজাৰ্ভৰ লগত সংলগ্ন এক উৎসৱ ৷ এই উৎসৱৰ জৰিয়তে বন্যপ্ৰণীৰ আপুৰুগীয়া সম্ভাৰ প্ৰদৰ্শন কৰাই ৰাইজক সজাগ কৰোৱা হয় ৷ ছিজুচাৰ পাকে ৰিজাৰ্ভৰ অন্যতম আকৰ্ষণ হ’ল ধনেশ পক্ষী, যি এতিয়া বিলুপ্তিৰ পথত ৷

তেজপুৰ,18 জানুৱাৰীঃ শনিবাৰে অৰুণাচল প্ৰদেশৰ ছিজুচাত ‘পাকে পাগা’ উৎসৱৰ উদ্বোধন কৰে অৰুণাচল প্ৰদেশৰ ৰাজ্যপাল ব্ৰিগেডিয়াৰ(অৱসৰপ্ৰাপ্ত) বি ডি মিশ্ৰই ৷ তিনিদিনীয়াকৈ অনুষ্ঠিত এই উৎসৱৰ উদ্বোধনী ভাষণত ৰাজ্যপাল গৰাকীয়ে পৰিৱেশ আৰু বন্যপ্ৰাণী সংৰক্ষণৰ ক্ষেত্ৰত ৰাজ্যবাসীক সজাগ হ’বলৈ আহ্বান জনায় ৷

উল্লেখ্য যে, ‘পাকে পাগা’ পাকে টাইগাৰ ৰিজাৰ্ভৰ লগত সংলগ্ন এক উৎসৱ ৷ এই উৎসৱৰ জৰিয়তে বন্যপ্ৰণীৰ আপুৰুগীয়া সম্ভাৰ প্ৰদৰ্শন কৰাই ৰাইজক সজাগ কৰোৱা হয় ৷ ছিজুচাৰ পাকে ৰিজাৰ্ভৰ অন্যতম আকৰ্ষণ হ’ল ধনেশ পক্ষী, যি এতিয়া বিলুপ্তিৰ পথত ৷ এই উৎসৱৰ জৰিয়তে পূৰ্বে নিচি জনজাতীয় লোকসকলে মূৰৰ টুপি হিচাপে ব্যৱহাৰ কৰা ধনেশ পক্ষীৰ ঠোটক পৰৱৰ্তী সময়ত কাঠৰ আৰু ফাইবাৰৰ দ্বাৰা নিৰ্মাণ কৰি ব্যৱহাৰ আৰম্ভ কৰা হয় ৷

ৰাজ্যপাল গাৰকীয়ে ইয়াৰ পূৰ্বে পাকে ৰিজাৰ্ভৰ ভিতৰত থকা WTIৰ চেন্টাৰ ফৰ বিয়াৰ ৰিহেবিলিটেচন এণ্ড কঞ্জাৰভেচন পৰিদৰ্শন কৰি এচিয়েটিক কলা ভালুকৰ পুণৰ সংৰক্ষণৰ বাবে সলাগ লয় ৷ পাকে পাগা উৎসৱৰ সামৰণি পৰিব 20 জানুৱাৰীত ৷

লগতে পঢ়ক-ৰেঞ্জাৰ পংকজ কলিতাৰ বাসগৃহত চি আই ডিৰ অভিযান