অগপৰ দুই প্ৰাক্তন সভাপতি একেখন মঞ্চত

অগপ বিজেপিৰ মিত্ৰতা দুয়োটা দলৰ মজিয়াতহে আলোচনা হ'ব : চন্দ্ৰ মোহন পটোৱাৰী

তেজপুৰ, ৩ মাৰ্চ : অগপৰ দুই প্ৰাক্তন সভাপতি একেখন মঞ্চত । এগৰাকী বৰ্তমান বিজেপি চৰকাৰৰ মন্ত্ৰী চন্দ্ৰ মোহন পটোৱাৰী আনগৰাকী অগপৰ বিধায়ক বৃন্দাবন গোস্বামী । শনিবাৰে তেজপুৰত অনুস্থিত হোৱা এটা চৰকাৰী অনুষ্ঠানত একেখন মঞ্চত দেখা গল দুয়োগৰাকী অগপৰ প্ৰাক্তন সভাপতিক । অনুষ্ঠানটোত অগপ বিজেপিৰ মিত্ৰতা সম্পৰ্কে দুয়োটা দলৰ মজিয়াতহে আলোচনা হ'ব বুলি মন্তব্য আগবঢ়ায় মন্ত্ৰী চন্দ্ৰ মোহন পটোৱাৰীয়ে । উক্ত অনুষ্ঠানতে স্থানীয় বিধায়ক বৃন্দাবন গোস্বামীক বিজেপি দলৰ চৰকাৰেহে উন্নয়ন সাধন কৰিব পাৰে বুলি আওপকীয়াকৈ প্ৰতিয়ন নিয়াবলৈ চেষ্টা কৰে মন্ত্ৰী চন্দ্ৰ মোহন পটোৱাৰীয়ে ।