ৰঙাপৰাত পথ দুৰ্ঘটনাঃ আহত দুজন

বিদ্যুতৰ খুঁটাত খুন্দা মৰাৰ ফলতে সংঘটিত হয় দুৰ্ঘটনা

শোণিতপুৰ , 29 মাৰ্চঃশোণিতপুৰৰ ৰঙাপৰাত নিশা সংঘটিত দুৰ্ঘটনাত গুৰুতৰ ভাৱে আঘাতপ্ৰাপ্ত হয় দুগৰাকী যুৱক ৷ হাতীবাৰী চাহ বাগিচাৰ পৰা নিশা AS-12V-7314 নম্বৰৰ মটৰ চাইকেলৰে তাৰাজুলি চাহ বাগিচাৰ অভিমুখে গৈ থকা অৱস্থাতে ঢোলকোবাৰ ওচৰত এটা বিদ্যুতৰ খুঁটাত খুন্দা মৰাৰ ফলতে সংঘটিত হয় দুৰ্ঘটনাটো ৷

ইপিনে উক্ত দুৰ্ঘটনাত গুৰুতৰভাৱে আহত হয় ৰঙাপৰাৰ হাতীবাৰী চাহ বাগিচাৰ ৭নং লাইনৰ সুমিত কেৰকেটা আৰু ৰাজীৱ তাঁতী নামৰ যুৱকদ্বয় ৷ দুৰ্ঘটনাটোত আহত দুয়োগৰাকীকে লগে লগেপ্ৰেৰণ কৰা হয় তেজপুৰ চিকিৎসা মহাবিদ্যালয়লৈ ৷