শিৱসাগৰ, 7 এপ্ৰিল :শিৱসাগৰৰ ডিমৌমুখত বুধবাৰে ৰহস্যজনক ভাৱে চীপ লৈ থকা অৱস্থাত উদ্ধাৰ হৈছে এগৰাকী মহিলাৰ মৃতদেহ ৷ শোৱনী কোঠাতে উদ্ধাৰ হয় তিনি সন্তানৰ মাতৃ চাজিনা বেগম(২৮) নামৰ মহিলা গৰাকীৰ মৃতদেহ ।
ইপিনে সাত মহীয়া কেঁচুৱা সন্তান থকা মহিলা গৰাকীক স্বামী তেবাৰুল আলিয়ে হত্যা কৰি চীপ দি ওলোমাই দিয়া বুলি অভিযোগ উত্থাপন কৰিছে চাজিনা বেগমৰ আত্মীয়-স্বজনে ।
শিৱসাগৰত মহিলাৰ মৃতদেহ উদ্ধাৰ, হত্যাৰ সন্দেহ !
দীৰ্ঘদিনৰে পৰা স্বামীয়ে শাৰীৰিক মানসিক নিৰ্যাতন চলাই অহাত ইতিপূৰ্বে আৰক্ষী থানাত এজাহাৰো দাখিল কৰিছিল জানিবলৈ দিয়ে মৃত মহিলাগৰাকীৰ ভাতৃ আৰু সম্বন্ধীয় বৌৱেকে । মহিলাগৰাকীৰ পৰিয়ালৰ লোকে এতিয়া উক্ত ঘটনাৰ উচিত তদন্ত কৰি দোষীক উপযুক্ত শাস্তি প্ৰদানৰ দাবী জনাইছে ৷