আমগুৰি, ১৯ আগষ্ট: শিৱসাগৰ জিলাৰ আমগুৰিত বিদ্যালয় একত্ৰীকৰণক কেন্দ্ৰ কৰি উত্তাল প্ৰতিবাদ(School amalgamation at Amguri) । আমগুৰি শিক্ষাখণ্ডৰ অধীনস্থ নামতিয়াল নৱজ্যোতি প্ৰাথমিক বিদ্যালয়ত অভিভাৱক, বিদ্যালয় পৰিচালনা সমিতি আৰু মাতৃগোটৰ অৰ্দ্ধশতাধিক লোকে বিদ্যালয় একত্ৰীকৰণক কেন্দ্ৰ কৰি উত্তাল প্ৰতিবাদ সাব্যস্ত কৰে । তেজ দিম, বিদ্যালয় একত্ৰিকৰণ হ'বলৈ নিদিও আদি শ্ল'গানেৰে প্ৰতিবাদমুখৰ হৈ সমগ্ৰ বিদ্যালয়ৰ চৌহদ ।
আমগুৰিত বিদ্যালয় একত্ৰীকৰণক কেন্দ্ৰ কৰি উত্তাল প্ৰতিবাদ
১৯৭৫ চনত স্থাপিত বিদ্যালয়খন এজনীয়া শিক্ষকেৰে পাঠদান চলি আহিছিল । স্থানীয় লোকে শিক্ষা বিভাগক শিক্ষক নিযুক্তি দিবলৈ বহুবাৰ আৱেদন জনাই আহিছিল যদিও এই ক্ষেত্ৰত শিক্ষা বিভাগে কোনো কাণসাৰ নিদিলে । যাৰ ফলশ্ৰুতিত ফলত বহু অভিভাৱকে নিজ সন্তানক অন্য বিদ্যালয়লৈ স্থানান্তৰ কৰে ।