আমগুৰি, 23আগষ্টঃলকডাউনত সময় পাৰ কৰিবলৈ বিভিন্নজনে ভিন্ন কৰ্মসূচী হাতত লৈ ব্যস্ত ৰাখিছে নিজক ৷তেনে সময়তে শিৱসাগৰ জিলাৰ আমগুৰিত সৃষ্টিশীল কৰ্মত ব্যস্ত থকা দেখা পোৱা গ'ল এটি কিশোৰক। বৈজ্ঞানিক চিন্তাধাৰাৰে পৰিপুষ্ট কিশোৰজনৰ উদ্ভাৱনে সকলোকে আকৰ্ষিত কৰি তুলিছে ৷
পানী সিঁচা যন্ত্ৰ উদ্ভাৱন কৰিলে আমগুৰিৰ প্ৰিয়ানুজে
আমগুৰি নগৰৰ ডনবস্ক' হাইস্কুলৰ সপ্তম শ্ৰেণীৰ ছাত্ৰজনৰ নাম প্ৰিয়ানুজ বুঢ়াগোঁহাই । নিজ চিন্তাৰে প্ৰিয়ানুজে উদ্ভাৱন কৰিছে পানী সিঁচা যন্ত্ৰ ৷ইয়াৰোপৰি লক ডাউনৰ সময়ত নিজকে ব্যস্ত ৰাখিবলৈ পেং লৈ খোজ কঢ়া বিদ্যা আয়ত্ত্ব কৰা লগতে পকী ৱালত বগোৱাৰো চেষ্টা কৰে প্ৰিয়ানুজে ৷