নৰেন্দ্ৰ মোডীৰ অসম ভ্ৰমণৰ সময়-সূচী সলনি

মোডীৰ অসম ভ্ৰমণক কেন্দ্ৰ কৰি ৰাজ্যজুৰি প্ৰতিবাদ সাব্যস্ত কৰিছে একাংশ দল সংগঠনে ৷ তাৰ মাজতে কিছু সাল-সলনি ঘটোৱা হৈছে প্ৰধানমন্ত্ৰীৰ ভ্ৰমণৰ সময়-সূচীৰ ৷

নিউজ ডেস্ক, 22 জানুৱাৰী : সাল-সলনি কৰা হৈছে প্ৰধান মন্ত্ৰী নৰেন্দ্ৰ মোডীৰ অসম ভ্ৰমণৰ সময়-সূচী ৷ শনিবাৰে দিনৰ 11.30 বজাৰ পৰিৱৰ্তে 10 বজাত জেৰেঙা পথাৰত উপস্থিত হ’ব প্ৰধানমন্ত্ৰী নৰেন্দ্ৰ মোডী ৷ মোডীৰ অসম ভ্ৰমণক কেন্দ্ৰ কৰি ইতিমধ্যে ৰাজ্যজুৰি প্ৰতিবাদ সাব্যস্ত কৰিছে একাংশ দল সংগঠনে ৷ শুকুৰবাৰে সন্ধিয়াৰ ভাগত বহুকেইখন জিলাত আছুৰ উদ্যোগত জোৰ সমদল কাৰ্যসূচী ৰূপায়ন কৰা দেখা গৈছে ৷ আৰক্ষীয়ে আটক কৰিছে একাংশ প্ৰতিবাদকাৰীক ৷ দেখা গৈছে যে, সমুজ্জল ভাট্টাচাৰ্য আৰু আছুৰ সভাপতি দীপাংক কুমাৰ নাথৰ নেতৃত্বতো গুৱাহাটীৰ শ্বহীদ ন্যাসৰ সমুখত প্ৰতিবাদ সাব্যস্ত কৰা হৈছে ৷ তাৰ মাজতে কিছু সাল-সলনি ঘটোৱা হৈছে প্ৰধানমন্ত্ৰীৰ ভ্ৰমণৰ সময় সূচীৰ ৷

লগতে পঢ়ক :আৰক্ষীৰ জালত দুৰ্ধৰ্ষ টিক্লা আৰু জহা