শিৱসাগৰ, 23 মেঃ দিহিং পাটকাইত কয়লাৰ মুক্ত খননৰ বাবে চৰকাৰে অনুমতি প্ৰদান কৰাক লৈ ৰাজ্যজুৰি আৰম্ভ হৈছে প্ৰতিবাদ । চৰকাৰৰ এই সিদ্ধান্তৰ বিৰুদ্ধে চৰাইদেউৰ 'বৃক্ষবন্ধু' নামৰ প্ৰকৃতি সংৰক্ষণ সংগঠনৰ সম্পাদিকা নিজৰা ফুকনে মুণ্ডন কৰি প্ৰতিবাদ কৰে । দিহিং পাটকাই বৰ্ষাৰণ্যখনক সুৰক্ষা প্ৰদান কৰাৰ বাবে মুখ্যমন্ত্ৰী সৰ্বানন্দ সোণোৱাললৈ এখন মুকলি পত্ৰও প্ৰেৰণ কৰে ।
পত্ৰখনত উল্লেখ কৰা অনুসৰি, জৈৱ-বৈচিত্ৰ্যৰ অপূৰ্ব সমাহাৰেৰে ভৰপুৰ দিহিং-পাটকাই বৰ্ষাৰণ্যখনত কয়লা মুক্ত খনন কাৰ্যৰ ফলত ইয়াৰ প্ৰকৃতিৰ ওপৰত বিৰূপ প্ৰভাৱ পৰিব । এগৰাকী প্ৰকৃত অসমীয়া তথা ৰাজ্যৰ শাসনৰ মুৰব্বী হিচাপে এই বৰ্ষাৰণ্যখন ধ্বংস নকৰিবলৈ মুখ্যমন্ত্ৰী গৰাকীক আহ্বান জনায় নিজৰা ফুকনে ।
দিহিং পাটকাইত কয়লাৰ মুক্ত খননৰ প্ৰতিবাদ নিজৰা ফুকনৰ