বাঁহী শিল্পী তনুশ্যাম শইকীয়াৰ দুৰ্দশাঃ চৰকাৰলৈ সহায়ৰ আহ্বান

আৰ্থিক দুৰৱস্থাৰ বাবেই বাঁহী শিল্পক আগবঢ়াই নিয়াত অসুবিধাৰ সন্মুখীন হৈছে অসমৰ লগতে দেশ বিদেশৰ নামজ্বলা বাহীবাদকৰ পৰিচিত এই গৰাকী শিল্পী তনুশ্যাম শইকীয়া ৷ অস্কাৰৰ বাবে মনোনীত "ওৱান লিটল ফিংগাৰ" ছবিত তনুশ্যাম শইকীয়াৰ বাঁহী ব্যৱহাৰ কৰিছিল আন্তঃৰাষ্ট্ৰীয় বাঁহী বাদক ভৰত হাজৰিকাই ৷

শিৱসাগৰ, 26 মে': শিৱসাগৰৰ জিলাৰ জাঁজী বলমীয়া গাঁওৰ এগৰাকী বাঁহী শিল্পী তনুশ্যাম শইকীয়াৰ দুৰ্দশা ৷ আৰ্থিক দুৰৱস্থাৰ বাবেই বাঁহী শিল্পক আগবঢ়াই নিয়াত অসুবিধাৰ সন্মুখীন হৈছে অসমৰ লগতে দেশ বিদেশৰ নামজ্বলা বাহীবাদকৰ পৰিচিত এই গৰাকী শিল্পী তনুশ্যাম শইকীয়া ৷ আনকি অস্কাৰৰ বাবে মনোনীত "ওৱান লিটল ফিংগাৰ" ছবিত তনুশ্যাম শইকীয়াৰ বাঁহী ব্যৱহাৰ কৰিছিল আন্তঃৰাষ্ট্ৰীয় বাঁহী বাদক ভৰত হাজৰিকাই ৷ কেৱল ইমানেই নহয় প্ৰখ্যাত বাহীবাদক গৌৰীশংকৰ গগৈয়ে তনুশ্যাম শইকীয়াৰ বাঁহীৰে বাঁহীবাদন কৰি নালন্দা বিশ্ববিদ্যালয়ত গঢ়িছিল ৰেকৰ্ড ৷ ইয়াৰ উপৰিও বাঁহীবাদক দীপক শৰ্মাক সাতটা বাঁহী প্ৰদান কৰাৰ লগতে চেন্নাই, মণিপুৰ আদিলৈও অৰ্ডাৰ অনুসৰি বাঁহী যোগান ধৰি আহিছে শিল্পী তনুশ্যাম শইকীয়াই ৷

উল্লেখ্য যে, ১৯৯৭ চনৰেপৰা শিল্পী গৰাকী বাঁহী শিল্পৰ লগত জড়িত হৈ আহিছে যদিও আৰ্থিক দুৰৱস্থাৰ বাবেই বিভিন্ন সমস্যাৰ সন্মুখীন হৈ আহিছে শিল্পী গৰাকীৰ পৰিয়ালটো ৷ তথাপি আজিলৈ কোনো চৰকাৰী সাহাৰ্য লাভ কৰা নাই শিল্পী গৰাকীয়ে ৷ যাৰ বাবে চৰকাৰলৈ সহায়ৰ আহ্বান জনাইছে শিল্পী গৰাকীৰ পত্নীয়ে ৷ কেৱল আৰ্থিক দুৰৱস্থাৰ বাবেই যেন নিজৰ প্ৰতিভাৰ জোখাৰে আগুৱাই যাব পৰা নাই এই গৰাকী শিল্পী ৷

লগতে পঢ়কঃ